出走成都 ~ 第四回 DAY 8

成都   天晴 (勁曬果隻)

 

今天是星期天, 經過連日來工作得天昏地暗. 我要.......要出去走走!!

目的地熊貓基地.

其實早在出發之前已經鎖定目標, 所以做足準備. 背起背襄, 就獨自上路. 說來瀟灑, 心中實在有點擔心... 

 

個多小時, 轉過巴士, 順利到步 ^^ Yeah.

這裡的大熊貓跟小熊貓都很可愛?! 我就唔多覺.

不過就好活潑, 打破了一直我心中的靜態美.  

出走成都 ~ 第四回 DAY 3

成都 難得的天晴

 

據成都同事所講, 藍天是少有的. 冬日的藍天更是少見.

 

心情都理所當然的好起來. 譇事順暢 ^^ 真好.

出走成都 ~ 第四回 DAY 2

成都 天陰 寒冷

 

繼尋日第一天黎到成都, 飢寒交迫之後, 今晚終於有d好野食.
幸得同事引路, 搵到味千拉麵, 我終於察覺到大企業文化的好處. 當係香港還嫌味千拉麵, 過於公式化, 沒有驚喜的時候.
這一晚離遠見到招牌, 諗都唔洗諗, 衝左入去, 正因為一定無驚'嚇'的場面.

點左個油金扇貝鍋 + 白飯 (RMB$ 28). 係冷冷寒風中, 簡直人間美食.
食飽飽之後, 終於發覺成都有番d顏色.

出走成都 ~ 第四回 DAY 1

成都 天陰

整個城市似籠罩一層厚厚的灰.
一出機場, 遇上了一個貪心的司機.
去到'酒店', 繞著大廈走了兩圈, 就是找不到入口
到了登記處, 似去了重慶的賓館 (可能更差)
交了房租, 只剩餘一半的現金, 為有慳d洗啦.
入到房間, 嘩...即刻想走番出黎 (好掛住自家張床)
到街上走了個圈, 一間似樣點的店子也找不到.
最後回到住處前, 在路旁買了一束粉紅玫瑰給自己加加油.
^^" 努力呀. 你頂得住嫁!

檔案編號#19 傻的一直是我

大家好, 我叫阿烏, 來自泰國. 多多指教!!

 

今天收到朋友的手信, 心血來潮, 要拍一輯沙龍. 意外地發現傻瓜機都可以有咁嫁效果. 原來傻的一直是我. 呵呵...

 

P.S. 愛死CANON 傻瓜機. 

檔案編號#18 北上消費

自重深口岸通關, 由元朗到皇崗只須二十至三十分鐘車程. 所以最近幾星期經常跟家人北上深圳, 行行走走.

 

這次由同事M 揸旗, 一行七人吃喝玩樂購物兼按摩. 全日洗費$3xx.

 

戰績如下 (價值 RMB 37) :

檔案編號#17 粉紅陣

最近我身邊彌漫著一股又一股的粉紅煙霧, 靜候良晨吉日爆發!!

 

今夜我的大學同窗綠色怪魔, 就投來一個重型紅彈, 為他和愛人以後八十年的長跑展開序幕.

 

唉! 當日上山下海的兄弟, 今日為佢的幸福在旁邊吶喊助威的兄弟.

唔洗講野, 二零零七年十一月十日做野!!

 

P.S. 各方好友, 如果你的紅彈已經準備就緒, 請放馬過來. 只怕你唔敢擺陣!!

檔案編號#16 最近熱話

最近很多朋友開始玩Facebook. 連我妹 (平時成日俾我笑的電腦傻瓜) 都開始玩.

 

我又點可以執輸啦.... 不過究竟有咩好玩嫁. 睇左兩次都唔知!!

唔通我已經變左'原始人' ?!

檔案編號#15 發小財

早陣子到日本旅行, 還剩下一點日圓. 當時的匯率算是偏低 (HKD$0.6454 對 ¥1). 近日日元高企, 回升至 0.67 的水平, 嘩... 從中取利,真的錢從天降一樣,坐享其成. 怪不得人人都在抄抄買買, 為之瘋狂了.

經此一役, 心有點紅, 想再多嘗一點抄買的甜頭. 不過回心一想力不到不為財. 長遠來說還是要扭盡六壬, 熟讀各方分析, 市場走勢, 才不至焦頭爛額. 唉...想到此還是老老實實坐定定, 老闆問起才從夾萬內拿出腦袋消遣一下算了.

P.S. 最富有的不是我, 最貧窮的也不是我. 最開心的是我麼? 不知道. 只知道現在我過得很好 ^^

一個工作日的下午

天陰

下午4時零三分
Start Complie....
今日食左牛肉墨西哥卷做午餐, 味道不俗. 不過搞到個口成陣味.

下午4時零九分
Compling ....
好想落去飲杯coffee沖走d味...落..唔落...落..唔落...

下午4時零十一分
Compling ....
呀.死啦....我諗我...已...經...中...左...毒......咖...啡...毒...

下午4時零十二分
Build Successful. Start Server...
繼續係天堂地獄來回又折返...落..唔落...落..唔落...

下午4時零十六分
Server Started.
重返現實, 等待下次的遊魂時間.

出走成都 ~ 好過去"搶"

對成都的印象總括而言, 都是蠻好的, 有善的售貨員, 多數也頗樂意解答一個遊客的"麻煩"問題; 服務員一般都很有耐性的等一個遊客的"猶豫"; 的士司機也蠻建談的, 很容易讓人體會到他的熱情; 就是沈默寡言的, 都會保持應有的禮貌.

 

不過出門在外總免不了遇上"壞人", 由其我從內到外都是一個港燦的模樣.

 

今次剛出了機場, 上了的士, 遇上是一個"和藹可親"的大叔司機開始 ~~
大叔: 訂好了酒店嗎? 這時間比較滿
港燦: 訂好了
大叔: 啊...(停一下)
大叔: 你是第一次來玩嗎?
港燦: (一般司機都有同樣的問題) 來出差的
大叔: 出差? 你經常來嗎?還是第一次?
港燦: 以前來過了.
大叔: 啊...(停)
大叔: 從酒店去機場多少錢?
港燦: (吓, 你問我?! 你唔知嫁咩?)... $40 [無講大話, 真係$40不過係機場去酒店, 酒店去機場要$60, 因為走先要收路費]
(沉默...)
大叔: ......去酒店, 一條係人民南路....., 另一條係...., 你選呀!
港燦: (你講咩呢? 唔好玩野wor) 吓?
大叔: 去酒店可以從人民南路.. 另一條.. 就遠d.....
港燦: 人民南路啦 [由於只係估到佢係問緊我走那條路,而我只係識得果一條路]
大叔: 比較窒啊!  (身都轉埋過黎)
港燦: (終於明佢想講咩啦, 不過都唔洗成個人轉過黎咁肉緊, 小心d揸車)..啊
大叔: 另一條路遠d, 不過比較順呀. 只多7塊錢
港燦: (一陣無奈...我仲有得選嗎? 既然你都講得出$7,豪俾你囉) 好
大叔: (很怕我誤會的重新再解釋一次) 人民從那邊走, 我們現在走過這邊....唉也, 我要跟你解釋清楚....(刪去數百字).
港燦: (滿臉笑容)好的, 謝謝, 照走吧
大叔: 你從那裡來的?
港燦: 香港
大叔: 不像呢! 我以為你是日本或是韓國
港燦: 啊, 不是呢, 是香港.
大叔: 你有去過青城山玩嗎?
港燦: 上次來的時候, 去過了
大叔: 樂山呢? 蛾眉山?
港燦: 還未,也許過幾天去吧!
大叔: (指出車外) 這裡就是新南門車站.
港燦: 啊.
(酒店前一個路口)
港燦: (想拎定張$100出黎)
大叔: 還未到啊, 仲要轉灣呢
港燦: 知道. (仲拎緊張$100出黎)
大叔: (又成個身轉過黎) 啊, 還以為你要給我美鈔
港燦: (大叔睇車呀) 不是, 不是
(酒店門口,車了停定)
大叔: (接過$100) 我要找你幾多?
港燦: (唔係掛, 玩數學題!! 好彩d加減數無俾番老師) $53
大叔: (笑) 嗱, 50 (遞給我一張50)
港燦: (接過50, 仲等緊$3)
大叔: 就這樣啦! (轉身)
港燦: (吓!!! 咁都得, $3呢?)...

 

是次完全係被"搶"的經歷. 雖然金額不多, 不過被"搶"的感覺相當強烈.

檔案編號#14 同事M

能成為朋友,總有點緣份.

 

舉例:

有一位同事M, 跟她風馬牛不及.  一年前我剛到新公司, 每次在洗手間遇上同事M都是 say Hi & Bye. 

五個月後, 從另一個同事得知我跟同事M同一期修讀同一個碩士學位. Oh god, 為何從來沒有遇上你呀!! (可能遇上了也只是擦身而過) 真的有點相逢恨晚呀(早知就可以一起'討論'功課麻) ^^

就因為這"牽強"的關係, 開始有了話題 ...

 

而最近仲可開始有'心靈感應'.

當她跟我說"講個秘密你知呀.", 我就已經回了一句"你結婚啦!".

當她說"有公司提供同熊貓影婚紗照...", 我就矇起小眼"你不是要影多一次吧?!" 

當她問"可以幫我一個忙嗎?", 我已經有不詳感"不是要我做姊妹吧?! 同你好熟咩!?.." (哈哈... 最後我輸左係一杯Pacfic Coffee上... 嗯.... 其實我們都熟熟地嫁...)

 

這個就是我與同事M的小故事.

 

P.S 同事M, 在此祝你跟準新郎兄永遠甜甜蜜蜜, 白頭到老!! ^^

唔知你有沒有感應到我的祝福呢? Hehehehe...

檔案編號#13 反高潮

有好一段時間沒有報告近況了. 小丸宅是否已經被'荒廢'?! 當然不是啦. 最近只是忙於策劃一個大型企劃.

 

如火如荼之際, 我的老毛病又發作了. 就是每當完全投入計劃中(即係得個講字,未開始落手落腳做), 突然覺得資料看了又看, 找不著新意, 所有動力一下子向下滑落, 我叫這種為'反高潮'.

 

出現了這症狀, 如果處理不當, 後果相當危險. 小則食慾不振, 重則一蹶不振 (即欄尾....個project).

 

該死的Anticlimax!!

出走成都 ~ 最愛鍾水餃

今晚我一個成都同事, 好客又熱情地帶我去吃成都小吃.

鐘水餃, 雞湯抄手, 煎米餅, 煮涼粉... 哈哈.. 因為我事先張揚, 同事都知道我不會吃辣, 所以都點些不辣的, 亦專成要讓我知道不是所有吃的只有辣, 試試不同的味道(川菜的等特色在於味道).  不過不辣不辣還是麻, 就是清雞湯也是麻的. 而出奇地我覺得最好味的是鐘水餃, 辣辣甜甜的 ^^

 

在成都食的方面, 我還是覺得不錯的, 味道真是不錯. 最少比如期好, 不用運箱出前一丁過來.

出走成都 ~ 一個人出差

我大個女啦, 自己一個人出差. 感覺幾ｃｏｏｌ呀．　唉... 但是實情係, 好鬼悶呀......呀......呀......

 

今日 除左跟地勸講要坐窗口位, 跟空姐講飲可樂同食魚, 跟的士司機講花園酒店，跟酒店櫃檯講book左房，跟阿媽報到，跟服務員講豬軟骨拉麵外，我無講過一句”癈話”．

 

一個人食飯，　一個人行街，　一個人睇電視，　唔係唔得，　不過唔可以連續兩個星期囉！！　

 

如果咁係唔夠獨立的話，咁我認我係唔夠獨立．．．．．．我為咩要咁獨立bor >.<

 

算啦，可能因為個暖氣壞左，天氣泠覺得個人特別慘．　嘻嘻，訓醒應該會無事！！

出走成都 ~ 請給我冰的可樂 @#$%^&*

香港人返到祖國有些時候會遇到一些跟我們一般常理理解唔到的事.

 

今晚我去到shopping mall的food court 食飯，望一望餐牌，RMB$3.5  一支可樂，　低！！

 

唉．．．點知無上去一排又唔記得左，　大陸的可樂係唔凍嫁，除非特別同’服務員’講：”我要冰的”．　

 

真係暈低．

出走成都 ~ 香港的熱 vs 成都的冷

今次黎到成都, 天陰寒冷, 地下濕滑, 明顯剛下完一場雨. 整個城市就好似一個小孩剛玩過泥濘一樣... 唉... 希望明天它會涼乾淨涼啦!!

 

不過最過癮的是在街頭上講話係會有"白煙"出黎嫁. well, 咁先似番冬天嫁麻. 哈哈...

檔案編號#12 滿足可以係...

四個女生 + 四隻日本大大隻凍蟹 + 八碟日本雪花肥牛shabu shabu = 好滿足!!