證婚律師 {ERIC SHUM}

放工之後去見我們的證婚律師岑漢和律師。第一次見面，岑律師井然有序咁交代今晚要做的工作，係申請結婚的FORM上簽名和揀定用邊個證婚PACKAGE。

當知道要簽名果刻，突然緊張TIM，好似未諗好......簽邊個名好睇D...哈...哈...

搞好文件，律師就好流暢地講解了不同做法的收費。
第一款"註冊處"式:MC開場，證婚人就坐，律師誓詞，新人誓詞...，過程約10分鐘，跟註冊處的流程無異。
第二款"教堂"式:律師開場(令大家安靜)，請嘉賓起站(令大家集中)，新人進場(又分新人一起進場或女家長輩倍同新娘進場)，請嘉賓就坐，證婚人就坐，新人誓詞...，再MARCH OUT，跟住又用一個輕鬆的步伐跑回去(搞起氣氛)。整個過程太約30分鐘。
佢的描述有晒畫面，每一個程序/動作之間會出現(化學)作用，細緻的連揭頭紗要過髮髻，之後仲要記得拉一拉頭紗就會直D靚D，似乎盡在佢掌握之內。
看來"年中做唔少"，相當有經驗。

大約二十分鐘的會晤，感覺幾好，清楚簡單，準確明快，又不失耐性。

一個item搞掂。

迫遷

有一日收到MSN OFFICAL的電郵，說MSN SPACE快要關閉了。吓...心情就好似突然收到業主的收樓通知，舊區好快要清拆。究竟何去各何從!?
選擇一：唔理佢。日子一到自然會有人幫你封好D野，搬入博物館。如果有日你突然記起(亦可能十世都諗唔起)，都仲可以隔住玻璃憑弔下。
選擇二：遷徙你去"天水圍的新型公屋單位"，環境清幽，仲有好多新寄好玩的設備。不過就要識應下新環境，亦因為人生路不熟，搵人探下都無。
選擇三：搬去同個仔住。雖然(寫作)風格/題材不同，但是會方便照顧。

MSN SPACE是記錄左我跟ST開始之前的一段單身生活，拍拖之後?!呵呵...好明顯重ST輕SPACE友啦!所以個SPACE都荒廢左好...好一段日子。
不過這段友誼萬歲的日子，仍然是我成長的重要片段。

所以最近產量突然變多，亦有BLOG友問點解POST的日子係幾年前(真細心)，就係因為要搬。

經過幾星期COPY&PASTE，搬遷行動終於完成，而我的MSN SPACE亦已經由我親手結束，功成身退，完成它的歷史使命。

P.S.重讀自己的舊BLOG，一些遺忘了的心情/經歷又再次LOAD起，感覺過癮。
而遺憾的是，朋友仔的COMMENT不能搬。

裝修開動

去年十月尾搵左朋友的御用裝修師父開始，一直好想快D開工，快D完成，咁我就可以著手佈置間屋，奉旨SHOPPING...YEAH。不過左等右等，間屋都係原封不動。
我無深究原因，因為我已經「授權」ST負責跟師父溝通的工作。ST話未得就未得啦。

而最近在飯局/家庭聚會被問得最多的是「師父開工未呀?」「未?!點解呀?」「好快d喎，年尾好忙嫁。」嗯...我都想問人...後來我放棄唔答，只係望住ST傻笑，等佢親自交待!!

上星期的飯局中，剛剛新屋入伙的W(又係師父的傑作)話師父跟佢吹水話「你朋友果度係唔係認真嫁，佢好似唔多緊嫁?」(靜左)...真相被人踢爆左。
望住ST的第一個反應係驚訝，跟住用笑黎掩飾。而我就...哈哈...哈哈...開心晒，啦.唔係我話你唔緊唔要嫁，係人地講炸。

五十二週的工作 之 最後課堂 ~ 問答遊戲

事緣有好的出路，所以提早結束這份52週的工作。
雖然過程不太好過，但是完結的時候，寬容一點還是須要的， 因為山水有相逢。

自從宣佈全面撤退，上司只係交底HAND OVER的對象，就沒有其他指示(正確黎講，無再同我講過野)， 而我亦樂得清閒。

終於等到LAST DAY，我正企起身清理(NOTEBOOK/MOBILE) 電線的時候，上司突然發現新大陸「係喎!你今日LAST DAY。」
「係呀.」提自己要保持禮貌 (一個月前通知左你啦。)
「你就好啦!出面好好境啦?」
「...」點答好呀 (幾好嫁，你都搵下啦!)
「如果第日想返黎，可以搵我嫁!」
「...」再唔出聲好似好無禮貌。(返黎都唔搵你啦!)
「不過你都唔會啦，走左就唔好返啦...」上司開始自言自語。
「...」放棄啦，都係唔好答嗲，快d走。