![IMG_1605[1]](https://googledrive.com/host/0B_4MjJHGSf04bm52YVA3d25VRlU/MJePetT8IPGThgcScCcXTw.jpg "IMG_1605[1]")
![IMG_2032[1]](https://googledrive.com/host/0B_4MjJHGSf04bm52YVA3d25VRlU/rdYBtpenZRAqPsMj1TMx8w.jpg "IMG_2032[1]")
![IMG_2016[1]](https://googledrive.com/host/0B_4MjJHGSf04bm52YVA3d25VRlU/xHQBeetAF_Ky2hfzxLUhew.jpg "IMG_2016[1]")
隨住吉吉的奶量需求越來越多， 加上開始試食固體食物，所以每日有一餐會轉用奶粉開米糊再加疏果蓉。
我開始為選擇奶粉而頭痛，有機的奶粉好似比大品牌的好，但究竟好在那裡?什麼是有機?有機的貨源是否穩定(雖然大品牌都不見穩定，成日要去搶奶粉)? 有一大堆的疑問。。。還有另一個唔想食大品牌奶粉的原因，就係唔想跟人爭，仲要已經被搶貴晒。
在網上做了些資料搜集(都是一些媽媽推介的有機奶粉)，再睇產品介紹，BLA...BLA...BLA...一堆的專有名詞...水溶蛋白，什麼蛋白比例，基因改造...這些都已是較易理解，亦免強明白當中的利害關係。有些似懂非懂，又是什麼呢!? 例如 麩質(Gluten)
自《香港經濟日報》(http://www.healthsmart.com.hk/article/issues/others/I091872.aspx)
麩質：食物敏感原之一
麩質(Gluten)是某些穀物內的蛋白質
屬食物敏感原之一，而外國人對麩質敏感的情況較中國人普遍。小麥、大麥、稞麥和燕麥，以及這些穀類的製品如麥芽(Malt)、澄麵粉(Wheat Starch)、食品改良澱粉(Modified food Starch)及麥麩(Bran)皆含麩質。此外，某些食品添加劑如乳化劑、增稠劑及穩定劑也可能含有麩質。
身體對麩質敏感的人士進食含麩質的穀類後，會引發各種持久性的腸胃不適，包括腹瀉、胃氣、腹脹、嘔吐、便秘及營養吸收不良等。病情嚴重者甚至會損害小腸組織，導致慢性小腸炎症，醫生或營養師或會建議病人奉行無麩質膳食(Gluten-free Diet)以控制或紓緩病情。麵食(如通粉、意粉)和烘焙食品(如麵包、餅乾、蛋糕、酥餅)一般會用小麥粉作為原材料，不適合麩質敏感的人士食用。幸好現時亦有一些特別的商店售賣不含麩質的食物，增加這類人士的飲食選擇。
政府規定預先包裝產品如含有麩質的穀類，必須在配料表上列明。就算食物本身不含麩質，假若食品廠同時處理其他含有麩質的食物而出現交叉感染，又或其他原因致令該產品存有麩質，食品商也需用以下其中一種方式標示：
一、「可能含有微量麩質」；或
二、「含有微量麩質」或
三、「生產此食品的廠房亦處理麩質」。
所以有麩質敏感人士購買包裝食物時，必須仔細察看食物配料表，以保障健康。
最近見到有好些媽媽都開始為自己五個月大的BB張羅幼稚園。
未有小朋友的人可能會嗤之以鼻，認為大誇張呢，不過其實這些已經見怪不怪了，拿出世紙就要去報名，也再不是新聞。
只是細閱媽媽之間的討論，當中發現是一個無奈。原來這群媽媽中，大部份都自覺沒必要過這樣早就要去搵學校，不過眼見大家都去'搶'入學表格時，自己不搶，又怕讀不了"好的幼稚園"，所以唯有跟著搶。不其然覺得家長似乎是現今制度下的陪葬品。
這個無得揀的無奈，讓我想起一套印度電影 "3 Idiots"，當中一幕大學師兄玩新生，這個傳統看似不能破，每個新鲜人都只可以唯唯諾諾，甘受欺負。就是男主角敢於反抗，最後利用他的知識反過來戲弄可惡師兄，大快人心。
當然戲始終是戲，現實有幾人可以做到。不過這個讓我想一想「真係無得揀!?」
從來無諗過會幫人剪頭髮。。。不過為左BB，咩都夠膽死。
一出世吉吉仔已經有多頭髮，又軟又貼服，仲有堂得髓，好鬼靚仔。
點知滿月之後，頭髮越來越長，又豎起晒，成個癲佬咁。
終於忍唔住拎起交剪修下D「亂草」，第一次幫BB剪頭髮，都幾手騰腳震，又驚剪到BB，又驚剪到一窟窟。不知從那裡開始。
最終ST抱住餵奶，我就左手夾起一撮一撮頭髮，右手就直剪落去，修呀修呀。。。先剪兩邊，再在頭頂求其剪呀剪。剪完抱直一睇又OK喎，短了又整齊了，還多了點剛陽氣添。
前
後
之後吉吉仔開始脫胎毛，原本濃密的頭髮，變得有點稀疏，三個月大還出現M字額，成個伯父咁!! @.@
所以又再剪頭髮，今次信心滿滿，我還可以自己一個人操刀，將BB抱著坐在胸前，就已經可以剪，又係見髮就執起剪，主要頭頂的位置。
七、八下就剪完，以為唔覺眼，怎知嫲嫲一眼就望出問「剪左頭髮呀」(好眼利啊!)
前
後
原來剪頭髮都唔係咁難，尤其是BB未識投訴，任我剪，呵呵呵呵。。。
回歸工作一月，我的奶媽時間表如下:
** 為了遷就工作時間，每朝五點九，就要爬起身泵第一次奶;
** 午飯時，遲半小時吃飯泵第二次奶;
** 放工去到老爺奶奶家吃晚飯前泵第三次奶;
** 半夜臨睡泵第四次奶。
日復日，奶量尚算可以維持。不過有很多因素，不停誘使我放棄。最難過的原來不是晨早爬起來，反而是要撐到半夜，每晚十一點，安頓BB上床的同時，睡魔已經急CALL，有時會不自覺地跟BB一起睡著，再醒來時多數已經半夜三點。如果無醒，直接睡到天明，就會是整整十一二個小時無泵奶，乳線好容易會窒。不過要是三點醒來，四點再上床，六點再起身番工，其實更加睡眠不足。試過將每天四次改為三次，將放工那次推遲到回家之後，雖然解決了挨眼訓的問題，不過每次食完晚飯就趕著走，好似唔係咁好。而且有時遇著老爺奶奶招呼親朋戚友食飯，更加難控制回家時間。
身為奶媽的另一個問題是困身。從前放工可以去做指甲、FACIAL、行下街才回家，現在連買一些必須品都要想過計過，時間許可嗎，因要趕著回家。甚至週末出街行下，都要諗下點樣泵奶或者要趕回家「開工」，全日的活動更無可免則免。
原來奶媽都有職業病，就是手婉痛，都怪太用力的關係。
每星期，每個月都會想，就此金盤洗泵吧!! 但是回想自己又不是無能力，尚且可以供應全人奶，就此掛泵有點可惜，所以一次又一次繼續撐下去。
NEXT CHECK POINT，四個月，加油!!
從懷孕開始，在餵奶粉定人奶的問題上，我一直是抱試試下的心態，試下人奶啦!唔得的話就食奶粉(其實沒有認真諗過唔得會點，因為我只想盡力去做)。所以當BB來到我身邊開始，我就努力地學習做「奶媽」。
記得第一次餵母乳，咩都唔識，一齊只有聽從護士的指示。見到BB個嘴脤卜卜，郁下郁下，都幾得意。護士都讚BB啜得好叻，亦好肯啜。之後每隔一兩個鐘就餵一次，BB喊就餵。有時深夜時份，緊在太倦，抱著BB，一邊餵一邊樁眼瞓。有時BB食食下睡著了，又要用盡方法來搞醒BB，終於醒了，啜兩下又瞓過，真是無可奈何。但是無論如何，都守住一個大原則，每次只會餵30-40分鐘。
餵多幾次之後，乳頭開始痛，一有機會就問醫院/健康院的護士，睇下我和BB的姿勢有無問題，點解會損。不段嘗試和修正餵奶姿勢，直至後來護士都覺得姿勢正確，唯獨BB的下顎比上顎生得比較入，雖然咀仔已經張大了，下顎仍然咬住乳雲，傷口還是越來越痛，每逢餵奶就只想起吸啜時的痛楚。
兩個星期之後，右邊的傷口實在太嚴重，所以只好埋身餵左邊，右邊就泵出來(但是要洗奶樽用具，又要做多樣野)。休息了幾日，傷口癒合，就再試。但是BB實在太用力了，只是食了一次，又再開始痛番。最後決定放棄埋身餵，改為全泵。
跟住的問題是奶量，眼不見為淨，現在眼見，每餐俾幾多BB食，有幾對眼睇實，因此開始要「跑數」了。每次泵奶都需要一個鐘以上去磨，其實有少少沮喪。加上親朋戚友之間一些無心說話
「(驚訝地)咁耐得咁多，以為你入房瞓左添!」
「(賴風趣地)你個仔好似唔飽喎，唔好咁孤寒啦!!」
，又或者見BB喊就一定問「(關懷地)食左奶未呀!~~剛剛食完。幾時要食呀?~~個幾鐘後。佢好似想食奶喎!~~其實佢扭眼瞓。」。
不知不覺間有些無形的壓力，再加上睡眠不足，不自覺地開始遷怒其他的人，有時又因小事而喊。
好彩有ST的體諒和靚媽的幫忙(煲埋上奶湯我飲)，雖未算富媽媽，但尚算進步中，應付到BB一日的奶量，而且有一兩餐的儲備。
挨過滿月，由MEDELA SWING電泵換了AVENT手泵，泵奶的情況改善了，時間慢慢縮短至半小時。而奶量亦同時跟著BB食量増加，仍然只有幾餐奶的儲備。BB增重理想，以經好滿足了。
除了奶量，時間又是一個嚴峻的問題。尤其放產假期間，只有我跟BB在家，換片食奶掃風換片安撫BB氹佢訓，每個CYCLE兩個幾三個鍾，中間還要做簡單的家務、準備自己的午飯。每次泵到一半時，BB總會醒來要食或者驚醒要安撫。又或者夠鐘泵奶，BB就扭抱要瞓，一搞就一兩個鐘。(擔心泵疏了，奶量會跌。)
BB完全掌控了時間。這種失控，纏繞了我好一陣子，直至調慢了自己的步伐，每日只做一兩樣家務，其他的就由它明天再做，午飯早一兩個鐘準備。這樣做其實沒有解決真正的問題，只是調整自己的態度，令自己放鬆D，順其自然。有時幸運的話，下午還可以跟BB一起小睡片刻。
兩個半月的產假轉眼就完結了，返工之後要繼續泵奶嗎?我只會話「我會嘗試去做。」
(待續)
週末上完產前班，就順路去埋油麻地門市睇下貨，雖然SIZE比我想要的細左小小，不過都OK呀，即買。又KO多個ITEM。
第二日回家到一齊如常。為獨晚上睡不安寧，每隔個幾小時就會醒，周身唔自在。輾轉到天光時份，甚至想嘔，最後唔再敢訓落床，坐左係SOFA度'中'眼訓。(聽見房中ST的鼻鼾聲，[魔鬼的我]真想打巴落去叫醒佢;[天使的我]叫醒佢都幫我唔到由佢訓啦)
亦都深深體會到其他媽媽整晚不停醒，訓完好似無訓的苦況。當時仲以為係大肚的身體不適，心諗唔係最後一個月，要咁過o麻，唔好呀!?
挨到七點鍾，要起身返工，越來越唔舒服，連手腳都酸軟無力。梳洗完畢，突然嘔左出黎，尋晚餐飯加黃膽水都一齊嘔晒。我仲天真地以為唔係最後一個月先黎「孕吐」o麻!?再諗真D，尋晚已經開始有少少肚瀉，不過因為最近有少少便秘，所以不以為意。又呵又嘔，應該係食錯野，過期(一日)鮮奶?雪糕?定係生蠔?(原來我兩日來都食左好多「違禁品」)
本來唔再食野住，不過個胃真係好唔舒服，粥煲緊，又仲有半個鍾先食得，唯有食朱古力餅頂肚，食完唔夠廿分鐘，又嘔過。今次大禍啦!點算呀?
唯有繼續灘係度等夠鍾去醫生啦。間中又拍下個肚，想BB俾D反應我，佢有陏個心都定D。
個胃仲係唔舒服，今次試食兩啖粥，等半個鍾，無再嘔。又食多少少，無嘔又開始無肚瀉，如是者分開食左幾次粥，後黎仲可以訓番落床添。下午三四點的時候，個人都開始精神番。食完，再訓，訓醒的時候已經晚上九點，人已經精神晒，BB仲識出拳和踢腳。^^ 好番晒!
反而輪到ST放工番到黎，成個人散晒，仲開始肚瀉。所以我地覺得應該係D生蠔出事!!
今次我搵左全女班，攝影師、化妝到助手都係女仔。
由室內開始，先影一些SEXY的相，咁大個女第一次影，雖然都有D唔自然，不過都無咁尷尬，由其是LACE果PART係半裸上陣嘅 ^^"。
我諗ST都無準備我會影黎PART。一於先斬後奏，影完先跟ST講就算下次再影大肚相，都唔會係黎個STYLE，因為已經多左個小朋友啦，所以只有這一次機會!!
好彩攝影師IRENE CHIU都好好人，會教我點樣擺POST會影出黎靚D。
影完室內，再到室外。藍天白雲的OUTDOOR景，剛剛好的陽光和溫度，只有一個字~~正!!
可能係影大肚婆的關係，所有的節奏都係嘆慢版，跟之前影PRE-WEDDING或者BIG DAY比較下，舒服好多。當IRENE示意完成最後一個SHOT，助手笑說可以放飯啦，大家慢步回頭離開時，IRENE突然叫停大家說「這個景好，來一張」「那裡不錯，再來一張」，後來連她都說笑地話「平時只有客人'唔俾我走'我，今日我竟然換番轉頭。」哈哈，我反而欣賞這種工作態度，証明我無搵錯人。
特別嗚謝 - 化妝師JOJO，今次全天候照顧，很貼心。仲擔任埋臨時SNAPSHOT，拍埋一份。
呀......呀......紋呀!!!
肚底發現左兩條短短的紋，叫ST幫忙睇清楚D。當佢仲研究緊時，自我安慰地解釋，可能係底底壓出的紋，點知ST居然用專家的口吻「據我的經驗，它一定係爆紋。」激死人啦!! 仲以為可以避過一劫添。
26週的時候，經靚媽介紹搵左私家醫生照4D。本來ST和我都唔係打算照的，如果只係為左個見BB個樣。因為我地都不約而同覺得張4D相好恐怖。
不過聽番兩位媽媽的經歷又好似有D用。其中一位係照4D時發現BB頭頂的空隙比正常大，所以到現在小朋友兩歲了，健康院都有繼續跟進情況。而另一位媽媽照4D時發現臍帶纏頸，醫生提議開刀比較安全。所以終於'的'起心肝照4D。醫生一邊照一邊詳細解釋，唯一其中一個位置，醫生反覆睇完又睇，度完又度。最後醫生解說BB後腦的空隙比正常讀數1，大了少少(1.1 - 1.31不等)，仲寫紙俾我拎返醫院，當然再加幾句安慰「只一係少少姐」「始終機度有少少誤差」「都係穩陣D檢查清楚先」。所以廣華收到醫生紙，就幫我安排照一次超聲波。
相隔個半月，間中都會記掛BB唔知有無事，不過知道擔心都無補於事，倒不如靜待佳音。
下午二點半到左廣華，等左四十五分鐘，輪到我地入房。訓上床，醫生用一貫快、狠、準的政府醫生風格，掃視左BB的各個部位，仲念念有詞(有時都唔知對我地講定係自言自語)，只是知道大約的意思係一齊正常(咁就無問題啦^^)。當照到頭頂部份，醫生終於慢落黎，度下後腦的空隙仍然大少，不過醫生話黎個週數大少少係正常。而最緊要睇果個位置有無水泡，腦內有無烈紋，如果都無，讀數大少少，完全無問題。(安樂晒!!)
落左床，坐埋醫生枱，諗住醫生會一如往常寫完幾句，就「趕」我地走。點知醫生往後一申，從書櫃中取出成寸厚的書。我和ST互換一個眼色，拋書包~~。醫生就番到一頁，再詳細解一次，究竟超聲波內見到的情形，再對比書中正常的會係點，有事時又會係點。仲話果位私家醫生可能想穩陣D姐。(明白晒啦!!多謝你呀!!)
就係咁又過一關。
據了解在廣華不是每名孕婦都需要「飲糖水」驗妊娠糖尿的，只有高齡或孕婦的雙親其中一位有患糖尿少會被安排檢查。一般27週之前會做一次，就算合格27週之後，可能要進行第二次。如果27週之後先做第一次，幸運地只雖要飲一次糖水就可以了。
今天比返工還要早就爬起床，為了八點鍾到廣華報到飲糖水。睡眼惺忪之際，很怕自己不以為意，亂放野入口，因為朝早出門前都會飲啖水/奶先出門，尤其當眼見ST將夾有火腿的麵包放入口，我就連水都無得飲 ~~~ 唉，好想抗議，不過實在無力，因為前一晚十二點開始就已經要禁水禁食。如果被護士姐姐之知道「偷食」的話，會被即時踼走，要再約時間做過。咁做唔係護士惡，而係會影響測試結果。所以還是乖乖望住ST大口大口吞噬佢的早點。今次又有大意的媽媽，忘記要禁食，而要擇日重賽啦。
首先走進一間可容納廿幾位媽媽的大房，拎個號碼坐埋一邊等叫。姑娘順序叫號碼，就先抽兩支血。抽好血就可以去拎杯預先開好的糖水，第一次傻下傻下揀左杯有多好糖沉底的，今次慢慢揀杯溶得好D嘅。跟住坐埋一邊，就自己慢慢飲啦。杯裡應該加左少許檸檬，不過都唔係一杯好飲「檸檬水」，甜到有D涸喉。慢慢飲，大約十分鐘就飲完。飲完再記底飲完時間。
當姑娘處理完第一輪的抽血，就要各位媽媽報告飲完糖水的時間，再一次過講解之後的流程和要注意的事項，之後就可以「自由活動」。兩個小時候之後，順序番去抽多兩支血就可以離開啦。要注意的是，等待中如果嘔過的話，要立即通知姑娘，因為如果到最後，先報告又係要重賽的。有位媽媽就係因為嘔過少少，飲左啖水，姑娘都好無奈地宣佈今次要作費，多冤枉。姑娘仲話「一係就唔好講我知，如果我知的話就要再做過。」雖然好似好衰，不過都啱咖，姑娘又點可以孭得起份抽血結果。可能那媽媽早D通知姑娘，姑娘會知甫補救呢!!
因為今次ST無陪我黎，所以我選擇左訓覺打發時間。太攰的關係，一陣就訓著左。留底在房內的媽媽，都靜靜地睇雜誌或者電視，所以我訓得相當舒服。好彩還有兩位媽媽跟我一樣呼呼入睡，令我無咁奇怪。
訓醒已經十點鍾，十點八抽完血，就可以離開啦。兩日內就有報告，如果有妊娠糖尿，就會有電話再作通知，無電話即係無事。
