法式海陸空大餐

婚後的生活除了每周的家庭活動，可以說是多了點空閒時間(因為唔洗騰出時間拍拖去街 ~~ 哈哈)。所以就想到去學煮餸，正好遇著工聯會報名，就試試看，難得ST自動報名要跟我一齊學。

今次是法式海陸空大餐，有海皇湯、彩莓汁煎鴨胸、還有和牛面朱肉，好豐富呢!! ~

上課地點在尖沙咀(The One 對面)，我們早左十分鐘到，已經見導師不停切切切，準備材料。其間導師"表演"去番茄皮，將番茄掉進煱內煮，一陣間就撈起後沖水喉水，之後番茄皮就輕易地去掉。而我係屋企搞半粒鍾先免強完成，原來要在番茄底開十字先落水煮!!

人齊就開始上課，導師仍然是無停手，一齊邊講解一邊煮。三十分鐘過去，好似無意思叫我們開火煮(我明明報左實習課?!點解齋睇咖?)。當導師差不多煮好所有野的時候，終於...輪到我們"實習"，先是...切開煮好的鴨胸上碟再淋上已煮好的彩莓汁，還有開火將海鮮抄熟再加入煮好的海皇湯底 ~ 完成!! 至於和牛，由於時間關係已經炆左兩個鐘，可以直接分給我們享用。

哈哈...是日晚餐相當豐富，至於可以帶收走幾多野，要睇自己的慧根啦。

{海皇湯}

{彩莓汁煎鴨胸}



{和牛面朱肉}