過客

整個五月高低跌蕩，好似坐過山車一樣。

最初意外地發現你的到來，ST和我都有點手足無措，不過定一定神後，就開始著手草議未來的生活藍圖，雖然想想已經感到經濟和生活的壓力，不過那想像的場景仍然是幸福和歡樂的。

不過你停留了一會，就怱怱地離開了，不痛不癢。就似夢境過後，一切都沒有發生過。

淘

吉吉有三個年紀相約的表哥，所以從出世到現在的衫褲鞋襪，都由表哥轉贈，加上承蒙一眾叔叔姨姨的愛錫，收好多衫仔做禮物。

望住其他媽媽為囝囝囡囡瘋狂SHOPPING，只有...繼續忍手。 >.<

而今個夏天，由於吉吉是大隻B，身高和體重追過表哥當年，所以有些衫都不合穿了。終於我...可以.....幫吉吉...買衫啦。Wakakaka....

第一站.淘寶...。

爬行比賽

得到網友媽媽的邀請，吉吉參加了屋苑舉行的爬行比賽。

我和ST都很興奮呢，趕及在識行出參加爬行比賽。

 比賽的場地是屋苑會所內的兒童Playground，全場鋪了厚墊，很放心吉吉周圍爬。

不過吉吉似乎有點不安，因為陌生的環境和人多!

Oh no，Mami完全忘記了要早點到場warn up下添。

於是急急拎星星餅來〝安撫〞吉吉。同時亦引來其他BB(原來大家都是為食貓) ^^”

有野食又有其他BB一齊玩，吉吉好快就開心番。

熟習下賽道先!

當日有兩場比賽，4米和10米 (印象中好似係咁上下距離啦)。

 第一場短途賽，爸B在起點陪住吉吉，Mami就在終點引吉吉爬和影相。

未開賽各選手B已經急不及待〝偷步〞，有位BB更一馬當先衝左出黎，很搞笑。

一開始，唔知點解，〝偷步〞選手全部唔肯爬，只有吉吉爬...爬..爬…就到了終點前，但吉吉突然坐左係終點線前望住Mami笑。(吉吉，你唔係兔仔黎ga ^^”)

見住其他BB從後趕上，Mami就出殺手簡 - 星星餅，好彩在第二名選手B趕上前，吉吉終於肯爬多兩步，爬過終點。估唔到吉吉可以勝出比賽。

 

休息了片刻，第二場長途賽開始，爸B和Mami換轉位置，爸B在終點，Mami在起點。

開賽前吉吉已經很亢奮地想衝出去，Mami唯有用力捉住吉吉，直至吉吉肯坐底。

當比賽開始，各選手B都已經起爬，但吉吉仍然坐在地點線上
(阿仔，你幾時變得咁乖，要你唔陏，就真係唔陏)。

最後，又是出星星餅，才引得吉吉起爬，總算可以完成賽事。
吉吉還憑住美國隊長得到造型獎，滿載而歸。

  

而爸B和Mami就玩得相當開心。

1-Year Old Birthday Party

我一歲啦!!

這張影得吉吉好靚仔，多謝Joanne Mama分享

星期六參加了屯門/元朗/天水圍區的四月龍B一歲生日會。有好一段時無見大家的BB了，oh…應該是小朋友才對。上次見面時一眾龍B只有六、七個月，才剛剛乎學坐，今次已經會周圍爬，甚至識行了。

要多謝搞手媽媽，Book場訂食物之類，還準備了很有心思的小禮物。