COMPETITIVE WEDDING SYNDROME

放假的時候，跟朋友聚會，席間大部份朋友都在這幾年間陸續結婚了。只有我們和朋友準新郎正準備婚禮(準新郎的大日在年尾)。因為準新娘有事未有同行，準新郎成為眾人目標，開始大吐苦水。準新娘為了婚事努力DIY...LOGO呀、喜帖呀、佈置呀，又為THE ONE和其他事大傷腦根和銀根...每樣都力求完美，想營造一個「特別」的婚禮，但就苦了有小小財力但沒有藝術細胞的準新郎，要幫忙都無從入手。不過準新娘似乎未有留意到準新郎的「盲點」，反而抱怨準新郎「唔緊張」。

自己作為BRIDE-TO-BE，亦想為婚禮加入一些獨一無二的元素，更想當日明艷照人。不過都不禁反思婚禮的本質是為了宣佈一個開心的決定，但是偏偏壓得新郎大叫無奈，迫得新娘快要瘋掉。究竟最後得到一個什麼樣的回憶呢?

可能準新娘在準備婚禮之前，要好好裝備自己的公關技巧和強勁交際手腕，來協調各方，包括新郎。如果有時間最好先將男朋友VERSION 5.0 UPGRADE 去老公7(成熟版本)，免得老化變為小朋友1.0(鈕計版) ... 哈哈。

大婚在即(未出門仲算係大婚...嘻嘻)，我都開始學習放慢腳步、放鬆心情，去「享受」為婚禮努力做的每一件事，而非捱住做或苦著臉去做，始終一生人(最好得)一次。^^

GIFT FOR MY BRIDESMAIDS AND GROOMSMEN

總是跟兄弟姐妹講，有拖無欠!! 為的就是大半年前在STUDIO影的婚紗照。

為隆盛其事，亦希望畫上一個完美的句號，特意請人幫忙印左一批CD，ST負責燒碟，而我就為它們加個靚靚封面。

 

PRECIOUS MOMENTS

網上找到這對PRECIOUS MOMENTS結婚公仔，好靚，不過一點也不便宜。好彩而家先發現，如果唔係，又要”牽腸掛肚”好一陣了。

(from The Calcee)

裙褂 {鴻運繡莊}

每件裙褂看似一樣，不過每件的DETAILS和CUTTING都不一樣。尋找裙褂看似簡單，不過搵的時候又真的要做點功課。

裙褂由數百至數千(可能更貴)，究竟點揀?

首先我會留意裙褂的新舊，好似手袖位和胸口位有無甩線。跟住就係睇手功，遠望的時候，紋理是否清楚，例如鳳尾龍鬚的位置。清晰的紋理感覺較細緻。還有手感，有些店員會強調鳳龍的立體感，不過摸上去硬'屈屈'，好似著左黃金聖甲咁，就連試上身的衝動都無。

鎖定心目中的鋪頭後就可以續一試衫。試衫那日最好穿無領和薄身的衫，先試得真個SIZE。

按金銀線的數量開始試，好似由多紅布少金銀線的褂開始，至到褂皇(即全身白銀色那種)，按自己的喜好選擇(如果長輩無特別要求的話)。決定好金銀線的數量後，就要求店員俾多幾個款試下，例如金龍彩鳳、金龍金鳳...。黎個時候除左睇PATTERN外，就要細心地比較每件的新舊、甩線的程度、紅布的光鮮度等，還有要留意剪裁，就是同樣是細碼，腰位都可以差一兩吋，著上身的效果就是，一件較修腰，後幅較合身。始終不同來源左或師傅，可能有些出入。

就是這樣，雖然只是試左五六件(其實主要係比較其中兩件)，女長老跟我都研究左成個鍾。最後決定穿這套裙褂。

{小五福 - 金龍彩鳳再加衫腳的可愛小金魚}

WEDDING FAVOR TAG

開始構思婚宴的小禮物，禮物本身還在物識中。不過PACKING要已經想好。

要多謝BLOGGER T幫忙在深圳的MANCOO買這套EYELET SETTER。比想像中簡單和好用。只要輕輕拉起放手，就能輕易地打孔。再加上鋼印，很快就可以做好一個TAG。

 

{demo for my wedding favor packing}

簡單的白色裙子

上星期六滿心歡喜地去FITTING，點知...

為免婚前婚後舟車勞動，一年前在屋企附近的婚紗店JOIN左PACKAGE(一婚紗一男禮)。剛剛開始著手婚事，自己真正想要什麼都未來得切弄清楚，已給各方「恐嚇」...「你咁遲都未BOOK，已經有好多人HOLD晒衫啦」「遲左啦，睇中的但俾人BOOK左。」「要用兩年來末準備的婚禮(吓...我得番十個月炸喎?!)」

而現在後悔了。

由於ST最後訂造了一套男禮，所以一年前我只是HOLD了婚紗和晚妝。不過今次老闆表示男禮轉晚妝要加錢，連ST都記得無人講過要加錢，可解今天才「提醒」我們呢?!

心情已經涼了一截。不過還是沈住氣解決問題最重要。經過了一年，不斷睇不斷試，自己對婚紗的要求逐漸清晰，發覺婚紗店的風格跟自己要的有一段距離了。試了又試，還是找不到心水。較為看得上眼的，就要UPGRADE，承為千五，想想又未到叮一聲就要花三四千，唔好卦!心情越揀越低落。

既然婚紗男禮都唔要，轉兩件晚妝可以吧!一樣要加錢，因為轉男禮就要加(吓...我好想黑面呀)，但係婚紗跟晚妝同等價值(吓...究竟點計咖?)。

在我的立場，我當然覺得唔合理，不過我只可以怪自己實在太太太衝動。所以好想跟各位BRIDE-TO-BE分享一下，不要急於未試衫就JOIN PACKAGE，就算幾多DISCOUNT都好，揀唔到衫都係浪費，連心情都變差了更唔低(揀唔到衫的心情，真係可以好差，連野都唔想講，難為ST仲要陪住我發愁)。而那些「吓...咁遲咖(語氣誇張)，已經有好多人HOLD左衫啦」簡直係廢話，成年時間，件衫變成點根本無人知，到你手時可能已經係另一回事。而且婚紗店越開越多，有些更是之前未見過的。所以各位就放心慢慢揀，因為是人著衫，自信的BRIDE-TO-BE在大日子一定會明艷照人的，就算只有一件簡單的白色裙子。

寫完這篇BLOG，就當是為自己黑雨的心情打打氣。先放埋一邊，過兩日先再處理吧!!

BRIDESMAIDS DRESS (下)

話說上回我面MONITOR一日，終於搵出我想用的姊妹裙的顏色...係SHOCKING PINK。

為左減低阻力，首先個別地向姊妹們收集意見，得到的反應都算POSITIVE，於是正式向各姊妹們發放消息。定左顏色之後，我就大安指意由得班姊妹團約埋自己去揀衫，點知臨門一刻，姊妹團話驚SHOCKING PINK太搶(O左咀...)。

最後當我知道揀左香檳金，真的有點失望，雖然是大路穩陣的選擇，不過不是我杯茶。再諗深一層，咁大個人無理由迫人(正如我被迫諗用咩顏色，都幾辛苦)，著得唔舒服亦非我所願，還是隨遇而安吧!

STEEL STAMP {ABLE STAMP COMPANY} & DIY STRICKERS

見到香港印章網$115就可以做到鋼印，於事貪得意就用我們的LOGO來做一個。

星期三朝早返工偷偷地填左張FORM，連埋個LOGO的圖樣一齊EMAIL過去。五分鐘後電話就到(咁快?!)，要我SEND個LOGO的AVI FILE過去會好D，不過最後我只得個JPG FILE都OK。

星期四朝早返到公司已經收到他們的LOGO FILE來CONFIRM尺寸。

星期五自己先得閒回EMAIL去CONFIRM個樣板。

星期六上午再EMAIL多次個收貨地址，因為係工商區收貸免送貸費。即時又收到他們CONFIRM送貨的日子(下星期三，因為星期二清明假期)。

最後星期一的下午，就已經收貨。

效率奇高!

而造出黎的效果，都非常滿意。第一件制成品 - 自家貼紙，因為搵唔到合心水的現成貼紙，為有買紙(一般文具店有售)自己裁啦。

紅傘

不知道從什麼時候愛上了BLING BLING...

{My Bing Bing Umbrella}

NEXT STEP

完成左註冊的環節，俾自己放肆左一個星期，薯片朱古力什麼也放入口，放工係屋企嘆電視什麼也不做，爽!!

回氣過後，跟住就開始準備出門和飲宴的環節。第一件事就是預備好喜帖，讓長老們可以出動「發彈」，希望係安排坐位的流程上可以順順利利。

Thank You Note

真得很感謝「山長水遠」來觀禮的親戚朋友，所以無無聊聊整左張E-CARD來多謝大家的參與和祝福。

｛Although it is weightless, it represents our gratitude to all guests.｝

{LITTLE THING ABOUT WEDDING} - RECEIPTION TABLE

諗左好耐，都唔知點樣的RECEIPTION TABLE先好，事前睇左好多REFERENCE，睇到樣樣都靚，所以要求轉完又轉。就是之前幾日都未有實在的構思，直至到場睇到RON的佈置就安心了。

這時已經完場，所以有點亂。^^"

{LITTLE THING ABOUT WEDDING} - BOUQUET & CORSAGE

玲蘭做的花球，好靚(亦都比較貴)，可能我無好好照顧它，殘得好快。如果要用一整日的話，要好好考慮一下。

如果再要照顧個花球，我想可以帶備一樽水(只需要小小浸到花莖就可以，唔會搞到成手濕晒)，我休息時，它又可以休息。

{My Bouquet - Lily of Valley}

 

{ST's Corsage}

CRETIFICATE FOLDERS

在AMOR WEDDING WORKSHOP上堂學BOOK BIND，導師OLIVIA友善又有耐性，上完堂已經可以掌握基本的技巧。之後一直構思自己動手做證書套，不過因為未有IDEA(其實係賴)的關係，遲遲都未開工。

但是當日子越近越多濕碎野要搞，反而真的抽不出時間，到最最最後(註冊日前一晚十一點半)心諗唔做就唔會再做啦，就'的'起心肝開工，
仲要不停提自已「唔好再ME摩啦，快手D」「成點啦，唔好三心兩意」。終於零晨一點半完成，可以安安樂樂上床訓。

由於時間的關係，直接跳到完成品...哈哈

 

{LITTLE THING ABOUT WEDDING} - HARDWARD & SOFTWARE @ KOWLOON TSAI PARK

之前網上找九龍仔公園的資料唔多，除了OFFICAL的籠統「文獻」外，實際可以提供的設施，如幾多張枱，幾多張凳，資料唔多。所以我想講下，註冊當日我地搵到的「硬件」(係新娘房旁有另一間石屎房，D硬件就STORE晒係入面，聽番兄弟講，入面的東西都可以搬出黎用)。

當日我們就搬左 (至於仲有無其他野，我就唔太清楚。)
- 五十九白色膠凳 (新淨)     

- 紅色頂帳篷一個(3m x 3m)

- 三張枱，一大兩小(大:3' x 6', 小: 2' x 6')

至於SOFTWARE，坦白講我好怕搵ADMIN問野，遇著D愛理不理的人，真係要忍氣吞聲。不過我就想讚下九龍仔公園的職員，每次我打電話去，接聽的職員都是友善又HELPFUL。例如，申請場地的中段，我要改時間，當時的林先生好有耐性教我點樣去做先可以改。另一次為左方便CO-ORDINATE各個單位，又打去OFFICE問有無FLOOR PLAN，當時陳小姐雖然要趕去OUTTING，但是都記得即日FAX俾我。

{LITTLE THING ABOUT WEDDING} - SHOES

香港的女仔腳踏3吋高跟鞋，在城市的石屎路上穿梭都能建步如飛，甚至可以追LIFT追巴士。就連平日聲稱「唔識著」高跟鞋的新娘子，都只會苦腦著五吋定七吋(的確講得有D誇張，不過穿平底鞋的只是異數)。可見高跟鞋的魔力。

不過如果正計劃舉行或將會參加草地婚禮的GIRLS，請留意高跟鞋款式。因為每當你踏一步，鞋踭就會插秧似的插入草地，辛苦地拔起甩鞋，另一隻又插地，一眾靚女突然喪屍上身，步姿趣怪。

以個人經驗，選擇一對BOOT型或者腳眼有帶的都有助拉起鞋踭，又不會甩鞋。不過無可避免雙腳會較平時容易攰。

{LITTLE THING ABOUT WEDDING} - THE ONE

好多時美麗的背後，有殘酷的現實，不如就豁出，如果唔係個樣會唔靚咖。

提起在草地上搞婚禮，浮顯腦海的畫面係一個遠境，綠油油的草地，藍天白雲，遠處新娘穿起長長雪白的婚紗，輕挽著新郎，笑意盈盈地接受祝福。
但是現實是...

當新娘第一步踏上草地後，裙擺就開始跟地上的乾草枯葉糾纏起來。如果是LACE或網紗就更煩了，隨手拍亦拍不走已勾住的草頭(更不可用暴力扯，連線都扯走，就更煩煩煩)。
就算有姊妹蹲下慢慢揀走草頭，難度要人蹲著跟在後面嗎(雖然我果日係公主姐)?

如果還是捨不得心愛的長拖尾，就豁出去好了，纏就纏吧，不要皺一下眉(俾人影到就唔靚啦)。還有要準備好清潔費呀(草地係應該有泥，泥唔應該係白的...哈哈)!