出走蘇州 ~ 周未

來了蘇州兩星期, 少見的陽光終於在星期天出來了.

陽光明媚的早上, 一個人走到湖邊, 發覺世界真的太大了. 眼前的"湖" 應該是海吧. ^^"

遙遙望向對岸, 比維港更要闊呢! 沿岸走著, 在想如果我有一架單車幾好呢...

午飯後(其實已經係下午茶時間), 同事要買電話充值咭, 我們到較旺的觀前街去找. 走著.走著.找到了.

還給我們遇上Häagen-Dazs , 簡直係perfect match. 星期日無野好得過跟志同道合的人拿著雪糕漫無目的地走著 (最少大家都喜歡吃雪糕, 唔會同我講怕肥. 唏!我唔肥又咁跟你講減肥呢).

跟著我們選擇了最原始的方式去了解這個城市 -- 步行. 靠這兩星期在的士上看到的景物, 嘗試將城市中幾個熱點的位置重組和連接起來.

所有都是懶洋洋的, 無目的地, 無事要忙. 

很無聊?! 唏, 周未根本應該要這樣呀! 不要視忙 = 有義意!

出走蘇州 ~ 姑蘇晚報

這份晚報是酒店免費派發的, 不敢一概而論,不過很有趣的是, 它的寫作風格。

什麼區的徐惠根的魚塘什麼什麼...

張老師每天拼車、拼飯什麼什麼...

不要誤會以上的人物不是什麼局長, 什麼名人. 他們都是平常百姓, 報導的才題材都很生活。 就好像那些媽媽跟你說樓上張師奶什麼什麼...; 或是男女朋友跟你說阿邊個咩咩咁。

感覺就像小學生的作文一樣, 當然不是說文筆差。是風格,較香港"詳和"很多。

有天午飯時, 跟內地的同事如提及香港新聞的內容是跳樓呀...議員被襲呀... 他們都很驚訝, 怎麼盡是這些新聞, 更擔心起香港的治安來。 哈哈... 我只可說"這些也不常發生"。真的嗎?!

看過這裡的報紙, 有點了解他們的"匪夷所思"。

出走蘇州 ~ 搵食

小肥羊

唔洗多講啦, 大家都知好野黎嫁.

這裡的價格比香港真的便宜很多. 只是$50一位.

唔好講多, 搵日黎多round. 

Address: 蘇州市十梓街517號

Tel : 0512 -65247717

出走蘇州 ~ 生活的時差

這邊的生活很像跟香港有時差一樣.

 

                 SZ              vs           HK

---------------------------------------------------------------------

7:00   起身                              睡夢中(剛反身) 

8:00   早餐                              起身

8:30   已經坐係公司              出門

9:15   check 好晒 email           早餐

11:30 食午飯                           漸進入工作情緒

12:15 食完飯                           諗緊幾點起身,叫食飯

14:00 開始餓啦                       好飽呀

17:00 快放工啦                       申個賴腰, 繼續努力

18:30 行公園 (真係未試過)    諗緊7點定八點走

11:00 mask 都做完                   剛剛返到屋企

12:00 訓. zzzzz                         點解d野, 做極都做唔完 >.< (扭眼訓)

 

出走蘇州 ~ 大頭蝦

今日發生左一件大大大..頭蝦的事.

咁大個女第一次出trip, 要去一個月, 出發前將行李check 完又check, 恐防帶漏東西.

不過通常越怕越會發生... 今次就係帶漏電話... 嘩... 當發現的時候已經on the way 啦.

為有死死氣, 落車返屋企啦 >.<

唉, 原來放左係枕頭底!!! (只怪無聽阿媽講, 起身要執床啦.)

跟住為左趕番d時間, 為有打的. (咁就無左 $260, 做大頭蝦的代價真係大呀!! 但是的士哥哥就好開心呀, 仲話今日第一日做"綠的"替更就去機場, 又知我趕時間, 踩行油去到 120. 唔洗30分鍾就到啦. )

雖然出師不利, 不過總算順利到步. 安全去到蘇州啦 ^^