檔案編號#11 丸事回顧2006

二零零六年是個人"動盪"的一年. 今年有很多新的嘗試, 亦同時厭倦了一些舊有的事情.

 

第一次的嘗試:-

-第一次做了個紅(色)頭(髮) (諭意鴻運當頭迎狗年... 哈哈)

-第一次轉工

-第一次留低手提後, 從此相距兩岸 (之前兩次留下, 都能安全取回... 唉)

-第一次做姐妹 (仲第一次著Low cut... 嘻嘻)

-第一次做蛋榚

-第一次離開香港一個月, 出差去了.

-第一次自己坐飛機 (我大個女啦)

-第一次做月餅

-完成第一個Master課程

-第一次參加畢業典禮 (錯過了學士時的畢業禮)

-第一次去Disney (多謝叉帶我去)

-第一次遇上被扒手, 失去電話一部.

-第一次給列入"黑五類"名單, 理由為"不合作","態度有問題". (冤枉呀,老闆)

 

 

厭倦了的事:

既然厭倦了, 就無謂再提... 呵呵

 

零六年太短, 要做的事太多, 往往弄得疲於奔命.

展望二零零七, 希望會是 "平安" "寧靜" 的一年.

檔案編號#10 黑丸王

事件一:

時間: 下午四時十二分

地點: 元朗大棠路與大馬路交界 

星期日本來諗住係勢力範圍內行行企企過下日神就算啦. 突然聖旨到, 要跟隨阿媽出去做正經野. 難得假日咁就賴瀟洒, 拎起腰包就起行。

究竟邊個話元朗係窮鄉僻壤. 假日時大馬路擠得水洩不通. 就在這時候塞得動也動不了的情況下, (我估計) 我的7370就從腰包內給人擄走了 >.<

事件二:

時間: 晚上七時三十八分

地點: 灣仔會議道的九巴104上

星期一放工, 約左人係旺角傾野. 因為傾正經野, 唔想遲到, 所以七點半匆匆離開公司. 諗住成個鍾由灣仔去旺角, 搭車搭船搭地鐵點都會去到啦。

經過巴士站仲諗緊好唔好行遠d搭地鐵, 就見到巴士係度等緊我. 仲要有位坐... '即上'。

路面情況有點擠塞. 不過正常的, (我安慰自己)根據經驗都會準時塞到去的. 就係呢個時候灣仔泳池旁會議道上的轉彎位, 一架巴士跟一架貨車'痴'埋一齊. Oh god,  當時佢地距離我5 m. 完完全全塞住左. 等.... (五分鐘)有人打去999問幾時有警察到..... 又等....(二十分鐘)有人再打999問警察係唔係只識得抄牌, 家而人影都無....(刪去一千字).... 又又再等.... (二十五分鐘) 啊..點呀..我無手機用呀.....又又又再再等等....  (四十分鍾)我決定已後我左約人的話, 我都要搭地鐵...... (五十二分鐘)...... 巴士終於慢慢駛向紅隧口。

檔案編號#09 賤精

賤精這種生物, 種類繁多. 可能大家對此生物的認識比我更有心得.

不幸地, 最近經常要處理此等生動. EQ的考驗此起彼落. 初有所成.

唉... 從好處看, 經此一課, 有不少反思的機會, 獲益良多.