Join左個 package後，Moon就俾左六條問題作為功課，大約一個月的時間去準備，要ST和我各自回答，仲要描述得越詳細越好，籍此讓攝影師了解我們多點。
其實問題不過是，點識？對對方的感覺？而最考起我的問題是有咩地方係有特別意義或者想影，吓？！... 無喎。平時的節目不外是行街睇戲食飯。人多擠迫的節目，可免則免啦。浪漫的場景？我地經常的'籍口'都是輕輕鬆鬆，無plan地過一日，就是最好的planning。哈哈...問你死未？!
Anyway，總算交左功課。之後第一次開會時，攝影師Jackson要求我地再諗諗地點方面，另外Moon再三提醒輯相係我地的，希望ＳＴ和我再溝通多些，俾多些input。Hm.... 為有'認真'地再做一次。由地點studio、我們生活的城市、綠油油的草地、樹影婆梳的樹林小徑，到感覺舒服、跳動、快樂和親密，連當中想表達的意念和故事都記下來了。這個花了我們兩三個晚上才完成呢！
哈哈...好彩最後Jackson都收貨(仲鑽我地份功課呢！^Ｏ^)。第二次開會時，聽到Jackson講：係腦度已經有Ｄ畫面啦。個心即刻安樂晒，咁我地就交俾你啦！！
No comments:
Post a Comment