裝修開動

去年十月尾搵左朋友的御用裝修師父開始，一直好想快D開工，快D完成，咁我就可以著手佈置間屋，奉旨SHOPPING...YEAH。不過左等右等，間屋都係原封不動。
我無深究原因，因為我已經「授權」ST負責跟師父溝通的工作。ST話未得就未得啦。

而最近在飯局/家庭聚會被問得最多的是「師父開工未呀?」「未?!點解呀?」「好快d喎，年尾好忙嫁。」嗯...我都想問人...後來我放棄唔答，只係望住ST傻笑，等佢親自交待!!

上星期的飯局中，剛剛新屋入伙的W(又係師父的傑作)話師父跟佢吹水話「你朋友果度係唔係認真嫁，佢好似唔多緊嫁?」(靜左)...真相被人踢爆左。
望住ST的第一個反應係驚訝，跟住用笑黎掩飾。而我就...哈哈...哈哈...開心晒，啦.唔係我話你唔緊唔要嫁，係人地講炸。