Wedding Favor I - M&M

開始搜集回禮禮物的資料，PRESONALIZED M&M係後選ITEM之一，夠靚之餘，又可以融係口。

今日去M&M見到有PROMOTION，買三送一，好吸引呀。所以想跟有興的JM分享下。

網頁上仲提供一個USER FRIENDLY的介面，方便買家揀顏色(最多三種顏色)，即時睇下襯出黎的效果。

我用左粉紅來做基調，左襯右襯...我諗我又開始有選擇障外啦!!

P.S. 數學題: 究竟買幾多先夠做小禮物呢?
7安士(oz)有4.67份1.5安士，每1.5安士大約五十粒(figure from M&M)。所以一包7oz就有大約有233粒啦.
假設有二百四十客人(廿圍)，每人一份，每份十八粒(好意頭，每隻色六粒)。就需要4320粒M&M。
所以應該要19包(4320/233,四捨五入)就夠了。

而家買三送一，即係買十五包有二十包。總數一千六百幾(未包運費，八百幾運費亦只係送到美國境內，點運番香港就要再諗啦。)
究竟物超所值定價值不菲?見人見智啦!

WEDDING CIVIL CEREMONY

草地註冊順利完成。YEAH!!

上星期六的天氣，雖然未有藍天白雲做陪襯，不過就相當舒服，無雨有陽光唔熱又清爽。

整個過程算是順利，各VENDOR都各施其職又準時，兄弟姊妹同樣準時(一向GATHERING姊妹J都遲成粒鐘，果日佢居然準時現身，實在太感動啦)又賣力。錯漏當然有啦，不過第一次(應該得一次)算係咁!

而我亦成功進行「三不」政策，不聞不問不理，將所有事情交晒俾ST和兄弟姊妹處理。連姊妹遇到突發事大叫，我都可以唔理行左去，因為我可以安排交待的都已經安排交待了，我當日的工作只係要KEEP住靚樣同招呼賓客，其他事留番俾其他人啦!
當然我可以咁放心，全因有一班醒目盡責的BRIDESMAIDS & GROOMSMEN啦...嘻嘻。

至於VENDOR的REVIEW...嗯...由於我太專注招呼賓客，我就連放食物的地方、場地的佈置都無時間細看。好似COCKTAIL PARTY接近尾聲時先隱約覺得有D野少左，問ST覺唔覺眼個CANDY CORNER，先知時間關係無準備到(哈哈...前一日先碓定要加CANDY CORNER，一直猶豫不決是因為RON提醒戶外加上天氣熱，糖會溶掉。所以明白時間倉卒)。

從賓客和兄弟姊妹的COMMENT中，整體感覺都幾好。有這個感覺已經做到ST和我的要求。

所以大致上我滿意各個單位(排名不分先後)。

** CHERISH (場地佈置)
現場有位準新娘(十月大日子)，據聞拖著男朋友指著這個說「咁都幾好喎」，那個說「咁樣幾靚呀」，而我和ST就被冠以「打人毒針」之名(哈哈...我鍾意喱個罪名)。
而一盆大大的黃色大玫瑰就最得我好歡心，搶眼又FRESH。

{Big Big Yellow Roses. One of my favar items.}

{Welcome Board}

** JOJO (MUA)

我和JOJO可以用合作無間無黎形容，之前她是我妹妹和兩個姊妹的化妝師(我的姊妹妝都係佢搞掂)，有時間的話仲會幫媽媽奶奶阿姨搞埋。

** KOWLOON TSAI PARK (場地)
十個有七個都話個場靚和抵。睇相的話，十個有九個都問，咩地方黎嫁?吓，香港?!未去過喎。

{Matchin Monent}

** LADYBIRD (現場音樂)
最多人感興趣的ITEM之一。

{Live Band. They are cool.}

** MICHAEL@ELITE PRODUCTION (VIDEO)
當MICHAEL確定左我們飲宴時的進場安排後(唔會有進場，打算坐定定等開席)，佢再度度下，就提議註冊當日我和ST各自拍一段片到飲宴時播，又要我地飲宴之前唔好互通答案。有左個構思之後，實行起來，時間係一個問題(當日邊有時間呀)，為左有個寧靜的環境，註冊前MICHAEL去左ST屋企拍，COCKTAIL完左又要等我地執晒野，返新屋幫我拍。要知道我們是HEA住又玩住黎執野(仲玩到本來PACK好的油畫，拆番開黎俾我影相)，足足搞左成粒鍾，MICHAEL都只係在遠處等我地(除了佈置遲左執野，其他VENDOR都走晒啦)。連兄弟都讚佢真係好好。

** MUNCH (到會)
有幾個人話WEDDING CAKE好好味，尤其中間用左新鮮生果做的什果(嗯...我都好想食呀!!)。另外有個3歲小妹妹被踢爆連食三杯RASPBERRY MOUSSE(識食!試食時我都係首推此款DESSERT)。

{Catering Corner}

{小妹妹食得之味}

{Wedding Cake}

** SHUM HON WO (證婚律師)
一貫斯文淡定。中間出現左小插曲，男長老英文串法錯左(至於幾時邊個程序出錯，無深究)，而律師就淡淡定定係開始之前俾份吉FORM我地簽名，話之後就印番D資料上去(哈哈...咁而家米無效囉...哈哈)。ANYWAY，有驚無險。

** THOMAS@MORE PRODUCTION (PHOTO)
整體感覺是很專業的團隊。朝早係我屋企，'番'箱傾籠地把東西搬來搬去，只為影婚紗和一些配件。當我答「屋企沒有無靠的凳」時，THOMAS居然可以搵到封塵十幾年的琴凳(它已經跟日用品和雜物融為一體，我忘記了它是一張凳...哈哈)。另外我個PACKAGE只係包2P，END UP成隊人係會場出現(3個拎住相機，2個ASSISTANTS。唔好問我點解，我都唔知)。

{Thomas' Team}

** AG@STAG (DIY)
最後都想提一提自己，因為我都有"供獻"D手作咖。最多人讚的是GUEST BOOK，連女長老都讚呀(超開心)!!另外，PHOTO CORNER就有人話有心思，我和ST分別搵左舊相出來，轉做SOFTCOPY之後，SEND過台灣PRINT做紙咭，再(曬衫式地)夾起它們(當然要多謝RON的配合啦)。以「我們是這樣長大的」為題，相中舊人，有好多都有出席婚禮，所以應該特別有共嗚吧。

{Guest Book}

{Photo Corner}

{VIP}

P.S 「白撞?!」- 註冊前，見到一對年輕男女，男的外型很似ST的一位大學同學，心諗帶埋女友黎，真俾面，不過正跟其他人"吹水"，未有上前打招呼。之後跟ST的3位男同學影相，又唔見有女仔，同埋男仔唔同左樣嫁?!嗯...不過轉頭都無左件事。直至隔日睇相，再見到年輕男女，相中3位男同學正正在附近，就問ST識唔識對年輕男女，唔識!...哎呀!保安出現漏洞呀...哈哈...我們估計那對年輕男女應該來實地考察(其實之前我都想去考察其他人的婚禮，不過擔心被即場發現，又幻想點樣行入個場度...哈哈...估唔到今次做左被觀摩的對象)。其實無騷擾賓客，我們都唔介意，因為開心野多D人分享都好呀。所以如果你係相中的男女，留個言呀，俾個FEEDBACK我們，嘻嘻...

{觀摩的男女就站在右下角}

WEDDING DOLL

一對砂糖兔結婚公仔，買左半年有多，不過存封左，無影相無POST出黎。

係信和百利網上都見過有得買，不過差價頗大，由二百至三百幾不等。大家都標榜自己係正版，但是作為消費者點分真偽?!睇過現貨連質量都差不多，所以最後還是以價錢行先。經格價後，百利係最平，比網上還要平$20。不過因為已經係網上落ORDER，所以就當無緣啦。

網上落ORDER，港鐵站交收，CHECK貨時發覺兔仔咀邊D毛少左，賣家望左一陣，肯換過。再次交收時，賣家仲帶左兩對俾我揀添，相當好人。

整個過程一星期到，可以再幫襯。

之後再幫佢地扮靚靚。

{Personalized}

特別鳴謝，細妹貢獻的珠練和女長老提供縫紉服務。

修甲

為了係大日子變靚D，研究左一輪樹脂甲和SOCK-OFF甲有咩分別之後，決定試下御甲免磨的SOCK-OFF，好似無咁傷，又自然D。希望見到錢仲可以執到!!(之前聽過一些新娘的親身經歷，GEL完甲連拎起枱面個一蚊都唔得，要老公幫手，真係變左皇后呀。)

係雜誌見到廣告$238試做價，位置又係銅鑼灣港鐵站附近，近近地，就膽粗粗打去約時間。

一開門，百幾尺地方就坐左十五六位女仕(嘩...好多人呀，但是唔覺嘈，地方都算明亮舒服)。溫柔的老闆娘確定左我的BOOKING後，招呼我到坐低，就繼續埋頭幫人修甲。(唔知係唔係訓練有素，除了老闆娘，其他女仔都係咁陰聲細氣，俾人好SOFT的感覺。)

等左陣，就輪到我，係單人SOFA坐低後，一個女仔幫我整指甲，另一位就修腳甲，動作熟練。

當我表示指甲是為了BIG DAY而造時，修甲師就已經明白晒，還提議那幾款比較清，容易襯。最後我還是鍾情法式甲，不過左手食指因為爆甲所以修短了，修甲師就提醒我食指會較另外九隻短，如果可以接受就可以開始。上完油，又係選擇時間，我望住本貼指甲的貼紙簿茫無頭緒，諗住放棄唔加的時候，修甲師又覺得可惜，話加少少會靚D，造兩隻手指好了(我個PACKAGE加貼紙是免費的，手繪才要加錢)，所以佢開始就幫我揀款，出來的效果又真係唔錯喎。

另一邊，修腳的很努力地磨呀磨，心諗磨咩呢?當我留神望清楚的時候，真係呆左，個擦磨過的每一下都有野飛出黎。修腳的女仔望一望我問「無事呀麻?」我想我驚訝的樣實在太驚訝啦!真係無諗過可以有咁多死皮(我平時沖涼有洗腳咖)。我開始有點唔好意思，見佢出力地磨，真係辛苦左佢(以後我會放D時間係隻腳度) 。磨完之後又真係白左又滑左(嘻嘻...去左D千年老積麻)。

ENGAGEMENT RING

舊年的某日，在ST屋企食飯，行入ST間房的時候，發現書枱上有個PN袋(好明顯我會有手飾做禮物啦)，但是都忍唔住明知故問「咩黎咖?」
跟係後邊的ST居然可以死口唔肯「無呀!無野呀!」跟手拎走埋個袋。(先生，你好似九唔搭八喎。OK.OK.遲早都係我咖啦!唔急。)

之後都見個袋都放在一堆雜物上，而我就由聖誕、完旦、新年、等到情人節(甚至忘記了)，我都無收到PN袋。

直至兩星期前，突然記起個袋，環視ST間房，唔見個袋喎(唔會送左俾第二個卦?!黎個諗法一閃即逝，而我亦無再深究)。

接住的星期三，放工趕去新屋收SOFA，之後等埋ST放工食飯，為左方便，近超市買日用品，就係德興搞掂晚飯就算(有得揀，我唔會再去囉)。

返到新屋，終於可以灘下SOFA，就係這個時候，ST遞上PN盒，仲播埋歌添。佢話揀喱個地方(我地的屋企)送上訂婚介指，係好有意思的(嗯...OK，接受你的解釋。而ST就係咁唔浪漫，但係又嬲佢唔落啦)。

單身的最後一個星期

婚前七日(SAT):
** ST要OT，下午先回合我。
** 下午有師傅黎裝電視，跟住去深水埗旋風式掃左一轉，買料DIY。
** 回合ST之後，就去參加外娚仔的生日會。
** 再走下場去朋友屋企玩uino到零晨二點盡興散去。

婚前六日(SUN):
** 朝早跟未來長老飲茶(好眼訓呀)。
** 飲完茶，去THE STUDIO拎相簿(可能溝通出現誤會，全部相的SOFTCOPY未有得拎)，之後各自回家。
** ST清理左囤積己耐的雜物、雜誌和玩具。
** 我就見完中醫、收收眉、包好開工利是和完成GUEST BOOK 加工部份。
** 零晨二點訓落床，第二朝仲要返工(唔返工得唔得呀)。

婚前五日(MON):
** ST要加班到10點。跟LIVE BAND作最後的CONFIRMATION和準備支票。
** 我就清理間房、完成SIGN BOARD、跟化妝師JOJO約時間、跟場地佈置RON電話CONFERENCE。
** 零晨點半訓落床(中醫師我已經早左訓啦)。

婚前四日(TUE):
** 今日天氣轉涼，密切留意星期六的天氣。
** ST繼續清理間房(可想而知平時有幾亂啦，要執幾日!!)。
** 我準時放工就去扮靚靚，由頭到腳，又FACIAL，又修甲。
** CONFIRM左WEDDING CAKE的款式，SEND埋REFERENCE俾場地佈置，又訂埋星期六晚飯(兩圍自己人食)。
** 零晨一點上床(又早左D啦)。

婚前三日(WED):
** 天氣真是轉涼了，睇黎要準備定件披啦。
** ST繼續準備支票。
** 我就密密做我的勞作，CONFIRM埋佈置的最後一個ITEM。
** RUNDOWN的FINAL VERSION搞掂跟手發放埋俾的兄弟姊妹。

婚前兩日(THU):
** 星期六應該無雨卦。
** ST表面上約左兄弟作最後BRIEFTING，實質圍埋吹水打邊爐。
** 我開始支持唔住，返工時好想訓。放工後去買披，點知預著老闆娘外前，要CALL佢等佢返，明明15分鐘應該搞掂，搞左我個幾鍾。返屋企繼續執房(間房出所未有咁整齊，呵呵)。
** 是夜十二點半熄燈上床。

婚前一日(FRI):
** ST十一點幾打黎扮乖，話已經對住份CHECKLIST執好晒野，又諗左一次個RUNDOWN點走(嗯...如果可以早幾日諗會好D囉!!)。
** 仲有好多濕碎野要搞，遂樣寫低，一樣一樣做。十一點幾開始做埋最後一樣自家制-證書套。最難係裁紙位，不過因為眼訓，都火速完成了。
** 是夜一點半上床，三分鐘內訓著。

MARTHA STEWART CORNER PUNCH 壞左呀!!

自從做完BRIDESMAIDS CARD之後，個PUNCH就被打左入冷宮。
前晚想自制相角，所以搵番個PUNCH出黎，'拍'打完第一下，個PUNCH居然無回彈，就咁緊緊合埋左。

有無人知可以點'叫'開佢呀? -.-

GUEST BOOK

未開始的時候好驚會胎死腹中，制作時又驚會意外夭折，終於今天出世啦!! ~~ 簽名簿。簿本身在PRINTS度買，有成40頁(實夠簽兩日啦)。我就後期加工，加D閃石和圖案上去。

{Personalized}

同場加影 : SIGN BOARD "PLEASE LEAVE US YOUR WORDS" 放在簽名簿旁邊。綠色的牛油紙係深水埗聯興買的，原先想用來做INVITATION咭，不過最後電子化左，所以用黎做其他野。

重臨九龍仔公園

再次黎到九龍仔公園(上次係一年前)，仍然覺得「無雷公咁遠」，係樂富港鐵站B出口直去穿過公園後沿九龍城方向行，去到第一個T字路口，過馬路後直去，右手邊就係公園範圍，行多五分鐘先會到入口。不過今次行錯出口，搞左半個鐘行先到。

今次主要跟提供到會服務的BEN @ MUNCH睇個場夾下，由於我遲到，BEN和ST都已經夾好晒，我都只係跟BEN SAY個HI就BYE啦!其實都無所謂，因為BEN不停強調佢已經有幾次九龍仔公園到會的經驗，其實唔需要睇都得。(係電話到約時間時，已經講到我火都黎埋。忍唔住問佢「咁你即係想點?唔去?」佢唔答我，就講左其他野。心諗你唔好去囉，又唔係我迫你，係你公司個SALE MANGER話會一齊去場地度夾下，我先約時間咖。其實我唔係懷疑佢的專業，不過佢的說話技巧真是有改善的空間。)

目送BEN的離開，ST、兄弟的代表技安、 姊妹的代表靚師奶和我，留下繼續研究為各VENDORS劃地分界。正當我真地諗緊個CEREMONY要係個場的左邊定右邊，ST突然捉住我手挽起問「到時我地係唔係由喱度進場行去果度?」我大叫「死仔，唔好玩啦，搞完快D走，好曬呀!」....哈哈，SORRY呀，諗番都覺得自己剎風景，我做緊野的時候，幽默感係零。

{左方係CEREMONY的位置，LIVE BAND會佔據右邊亭仔}

{左方有較多花會用黎影相，中間會放食物，右邊椰樹後方就係入口，最右邊就係RECEIPTION TABLE/ PHOTO TABLE的位置}

ANYWAY，最後都SETTLE到各個單位的位置。

特別嗚謝靚師奶和技安提供了一些新的想法，好似係場外的樓梯用氣球裝飾，靚之餘又可以作了引路之用。另外，又可以影一兩趣怪的相作指示牌。(睇下有無時間做，遲D可以POST出黎。)

中醫

忘記了由幾時開始，皮膚遇到剌激，就會起風'難'，過一會COOLDOWN一下又會自動消失。朝早夜晚鼻水會定時定候流過不停，情況時好時壞。久不久就被勸去睇中醫，不過屋企附近的中醫得星期六朝早營業，要我朝早爬起身去，又要排排坐等個幾鐘，都係算吧啦...又唔死得人，唔急，搵日先再去啦!

直至影PRE-WEDDING的時候，因為著LOW CUT要整理胸口，心口即時紅晒，後來仲要用粉遮，D粉又痴左上件婚紗洗唔到，都幾麻煩。所以BIG DAY就快到，為免大庭廣眾下尷尬，都係時候去睇西醫拎藥膏搽，不過長遠計都要睇中醫調理下。所以掟起心肝去一間朋友介紹的中醫館，WALK-IN入去問下，剛剛醫師又得閒喎，唔洗等，就坐低把脈。

醫師問「有無介口呀?」「無呀。」(介口?...電視教要有均衡飲食喎)
再問「有無飲涷野?」「介緊。」(尋日好似唔覺意飲左罐可樂，爽)
「早唔早訓呀?」「嗯...十二幾啦。」(十二點五十五分都係十二點幾呀)
「咁十二點前訓啦。」「...盡量啦。」(喱幾晚先搞結婚的野搞到兩點囉)
「朝早起身係唔係好攰呀?有無賴床?」「攰D啦。」(乜賴床都有得醫咖?!有人朝早起身唔攰咖咩?我由細到大都係咁攰咖喎!)

之後醫師診斷我為「虛...虛...虛...虛...。」皮虛、胃虛定係心虛...哈哈...忘記了。

ANYWAY，我會乖乖地準時飲藥和覆診，希望我的小毛病可以好轉。

HONEYMOON 準備篇 - PASSPORT套

這個情侶PASSPORT套，係專誠為了HONEYMOON而準備的。ST一個我一個，諗住到時去到機場先不經意送俾ST，作為HONEYMOON的第一個小驚喜。^^

BRIDESMAID DRESS (上)

對於決定姊妹裙的顏色在我而言有一定的難，因為我平時揀衫離不開黑白灰，我唔係唔鍾意COLORFUL，不過要揀紅橙黃綠青藍紫，會有選擇障礙囉，各有各好。

至於ST的意見係「好呀」「都唔錯哎」「又得姐」「都幾好喎」...即係"棄票"，無代表性。

再想問姊妹的意見啦，十個有九個都話「最緊要係你鐘意」...但係我想聽D"客觀意見"先喎。到我話「用白色啦。」又會群起圍攻「好似唔係咁好，白色會同你撞喎。」...OK.OK.又話我鐘意咖。

最後密集式地刨我的攝影師最近半年的相，搵下唔同姊妹裙的顏色出黎的效果，從中取經。亦都又得出的以下的小小統計數字:

COLOR - 出現次數
--------------------------------------------------------
粉紫      - 4 (大熱呀。)
蘋果綠  - 3 (另一大熱，估唔到而家興。)
粉紅      - 2
(其中一群用色丁料，感覺高貴。)
桃紅      - 1 (配上斯文的長裙款式，突出唔到原來顏色的嬌佻。)
鮮紅      - 1 (感覺喜氣洋洋，不過配上教堂的白色，又太搶了。)
紫紅      - 1 (嗯...沈左D，應該唔會考慮。)
香賓色  - 1 (穩陣色。)
米色      - 3 (淺色到我都唔確定係咩色，所以歸立為米色，可能係淺的香賓色。)
鮮粉黃色 - 1 (感覺好SUN SHINE。)
TIFFANY BLUE - 1 (好靚的藍色，好搶眼，不過跟周圍黃黃啡啡的環境有點格格不入。)
粉橙色   - 1 (有D'蝦'人著。)
無DRESS CODE - 1 (我鐘意呀!不過ST唔多LIKE。)

酒席問題

朋友"準新郎"給我了我以下問題，叫我搵酒席的時間要多加留意。想跟大家分享下。不過事先聲明，我無都問晒全部問題，因為我未係阿婆住~~長氣! 哈哈... 其實我大安旨意的原因係間酒樓我朋友用過，又係大集團，所以有點信心，佢唔會太離譜姐。

1. 擺洒廳房?
2. 席數位置圖? (盡近酒樓入口)
3. 每席相距幾多? (不要太迫)
4. 新娘房位置? (應近佈景板)
5. 新娘房內有否廁所?
6. 迎賓位置? (可否較大, 方便放油畫)
7. 能開多少台麻雀?
8. 麻雀服務是否已包括台紙, 籌碼, 台燈…?
9. 是否有咪給司儀?
10. 是否已包括會場佈置? (如汽球, 禮堂橫額, 花牌)
11. 擺酒當日幾點交場?
12. 如包括佈置, 交場時是否已佈置好?
13. 擺酒當晚時間是否有限制?
14. 如超時是否需要補水?
15. 有否專車到指定地點接送賓客?
16. 有否免費泊車服務? (多少小時)
17. 所有席前或席後粉麵酒水如不贈送, 可否自備?
18. 席數可否增加減少?
19. 如增加席數, 酒樓有多少位置給加席?
20. 如減少席數，餘下的席數怎樣處理? 可否取消，退款方式或是後補再食，如後補限期多久?
21. 如遇颱風或意外, 須取消婚宴時, 訂金將如何處理?
22. 如取消訂單需提前多久通知?
23. 套飺內有否包括 : 多少喜帖, 賓客名冊, 主禮人襟花, 椅套, 簽名紅布, 簽名毛筆, 糖果, 瓜子, 酒水, 香檳, 結婚蛋糕(多少層, 是否只供影相), 茶芥..?( 附送項目必須得到確認, 必要時於單上列明.)
24. 清楚列明茶, 芥, 鵲局, 撲克, 開瓶費, 啤酒, 汽水及席前粉麵的價錢.
25. 所有席前ORDER, 必須經由主人家或指定人簽名才可落單.
26. 菜式必須列明 :
      如清蒸紅斑, 不要什麼海上鮮(註明幾重), 魚翅必須列明雞絲生翅
      或鮑魚生翅 (當中列明等級及份量)
27. 價錢是否會隨著市價變動? 必須定好價錢.
28. 除加一小脹外, 有否其他需另外收費用的項目, 如有請列明, 列明後必需註明(其他不需額外收費)
29. 是否可以分期付款? 用支票, 銀行本票, 禮券, VISA, EPS,(可否幾樣夾埋), 如有以上服務是否需要另加服務費?


睇場會比較留意:
1. 員工服務態度.
2. 樓底會唔會唔夠高, 感覺得侷促.
3. 個場是否迎合我的圍數, 會唔會太迫 or 太大.
4. 場地燈光會唔會過暗.
5. 新娘房設備, 是否有 toilet.
6. 環境 & toilet 衛生.
7. 餐具 & 桌椅 & 擺設會唔會好殘舊.


訂酒席時要問的問題 :
1. 結婚 cake 送幾多磅 (用來食那個)?
2. 席前 noodles / fruit punch 是否免費 還是只是有折? 如免費的話會有幾多碟
3. 合時鮮果是指果盤 還是 燈/柑? 會有幾多個
4. 有幾多張請帖送? 是否包印刷?
5. 自來酒水的開瓶費?
6. 酒水任飲加多少錢
7. 全埸椅套要加多少錢
8. 雀片(即麻雀)是否免費任開? 擺位如何?
9. 如某些席數有十三人，件數的菜式(如柱甫)會否加碼，費用又會怎樣計
10. 免費泊車有多少個鐘 (以每席計還是加起來的一個總數?)
11. 結帳時信用卡免手續費可碌多少
12. 擺酒當晚多左酒席是否可以退? 可退多少?
13. 每席汽水啤酒的配搭可否改?
      -酒水任飲多少錢 (通常每席加$150-$200)
      -是否包括橙汁(屈佢加埋)
      -橙汁是鮮橙汁定係OJ or果汁先生
      -酒水任飲幾時開始(最好5時左右)
14. 入座前小食是什麼?
      -幾時開始service及結束時間 (bargain 5時左右開始)
      -每一檯有否糖或其他小食
      -入座前飲品是什麼
      -自攜西餅或蛋糕是否收錢((bargain不用收)
15. 存菜要不要另外比錢?
16. 菜單幾時要confirm ?
17. 紅酒及VSOP可否自由配搭。
20. 禮堂佈置是什麼?
21. 有沒有油畫架?
22. 進埸音樂有沒有得揀?
23. 每席確保最有一個待應生，主家席2名待應生
28. 之前一晚可否拿些東西來存放，eg 回禮小禮物
29. 散席後可否留低一些東西第2日才取回
30. 最遲幾時要交場

HONEYMOON準備 - 機票篇

今年真係咁好景?! 前兩年到左黎個時間就會有英國機票的PROMOTION，今年居然...減左啦!! 當知道國泰的PROMOTION(百周年的光輝，千載難逢的優惠)都要成七千($3999+TAX$2995)的時間，真係有無搞錯呀!!個心開始動搖，不如去現代塵世美~~澳洲算啦!或者再等下其他PROMOTION!

但是心諗錯過左今次出征的機會，十年出前衝去歐洲的夢想，可能要再等十年!!而且星航做緊的PROMOTION要轉機都七八千啦!本住「財散人安」的心態，就即時叫AGENT幫手HOLD左位先。

係唔係大家都諗緊點洗財爺果六千蚊呢?!(不過俾人叫停左喎!!)兩日時間，我揀出發果日的機位已經FULL左!(真係咁多人飛?未到暑假喎!定係PROMOTION QUOTA得兩個呀?!)

ANYWAY，我們的英國HONEYMOON已經邁出重要的一大步啦!

P.S. 財爺，如果可以的話，請盡快入錢落我戶口，唔該晒。

WEDDING CAKE {MUNCH}

印象中的結婚蛋糕，應該係白色，圓碌碌，一層一層。不過現實生活中要有個靚靚結婚蛋糕係需財力去支持，尤其一些有名的餅店，隨時擺多一圍酒席都仲得。所以早早放棄了。

後來無心插柳下，草地的COCKTAIL到會可以提供埋兩層(10磅)的結婚蛋糕，款式仲可以跟我俾的REFERENCE去做。正!

經過一輪篩選，最後的後選名單係...

後選一: 感覺幾FRESH，完全配合到我們的 THEME COLOR (WHITE/GREEN/YELLOW)

後選二: 好GRAND，好靚。

(Reference from Martha Stewart)

兩個都咁靚，真係想要晒!

P.S. 原來切餅的企位都有講究 - 新娘子應以右手拿切餅刀，新郎站在她的右後方，同樣以右手握著切餅刀，切餅後由新郎搯出第一口蛋糕予新娘子，然後再由新娘子餵新郎吃第二口。最後由酒店職員將蛋糕分件，連同茶或咖啡奉予賓客。

清潔

裝修的工作已經「正式」完工，入傢俬前要大規模抺一次灰塵，抺窗抺門抺櫃抺冷氣。雖然是特式(細)戶，不過要做到一塵不染，真係需要「專業」的人才，對於業餘的ST和我(雖然未算十指不掂陽春水，不過都係家中的少爺小姐)來講實在無法一次完成，為有分階段進行。

第一個星期，最最最唔順眼，首先要做的是洗抽油煙機，當中的千年油積...即實在「恐怖」，足足花了我成個鐘和半樽萬潔靈。好遺憾唔記得影底嚴峻的災情，ST只可以靠我繪影繪聲想像我的功績(因為佢要OT)。

第二個星期，睡房。由窗框到門框，冷氣機到床底的櫃，仲要做埋「法證」，一個用細掃繼條地線邊、牆角掃D塵出黎，另一個就拎住吸塵機做BACKUP吸塵。(唔知第時仲有無咁好心機打掃啦!!哈哈)

跟住的幾星期，每星期都要有一日做清潔工人，仲有廁所、廚櫃、書房、衣櫃、客廳、一排櫃和水晶燈(仲要係掟住幾十粒水晶果種)...真係要好似冬菇小姐踩住三輪一邊講「努力!努力!」。

RING BEARER

沒有徵詢ST的意見下，見到這個仙子盒就買了回家，心諗如果ST唔鐘意過這個「介指盒」，都可以放其他野，唔算'SIDE'錢呀(自我安慰)。

我知道它跟一般放介指的器皿/用具不太一樣，大家可能覺得有點奇怪。點解咁講，因為當我展示這個戰利品時，姊妹團中的靚師奶靜左，仲滿頭問號咁咖樣，好懷疑放介指的功能。

不過我的想法是...在一個綠悠悠的草地上舉行婚禮，有個花仙子來守護我們這對代表幸福的指環，幾童話FEEL呀...哈哈...(自我陶醉中)。

ANYWAY，ST都覺得個盒幾靚，又唔反對做「介指盒」(緊係啦，我放棄左訂隻幾百蚊的碟黎放介指喎!!佢應該放炮長慶祝啦...哈哈...俾ST知道又會質問我點解咁諗佢...)

而我加工的部份就係內籠，用發泡膠和綠色毛毛紙扮草地，絲帶大頭針固定介指。仲研究埋打結的方法，令到鬆開絲帶時，絲帶會係介子的下面，唔會纏住介指(好無聊呀...)。

P.S. 當我正忙於加工時，臨時少奶奶(因為自她舊年結婚之後，就開始量地，話要放個悠長假期喎!)關切地MSN問我婚禮前夕忙唔忙，多唔多野搞。我有衝動講個實情佢知，其實我已經無野要做啦，如果我唔執著於自家制的話...哈哈...但係我喱個星期晚晚點幾兩點先訓，喱種情況應該叫"羅黎chin"。其他加工制品，會續一POST出黎。

衝刺

326的RUNDOWN和兄弟姊妹的工作分配終於完成啦! 星期六做埋個PRESENTATION，將工作分派出去，咁就安樂晒。

326的e-INVITATION CARD經過多番修改和測試，亦已經準備好，等(手禁)個制就可以發「彈」。現在正努力碓定目標的e-貓貓(以免誤炸左右或者落空)。

長老們的禮服亦(終於肯)全力開動。

塞左好耐的腦忽然通番，自家制可以復工啦。

特別嗚謝:
** ST終於肯認真地做好我喱份「工」，同埋一力承擔SWEET HOME的裝修督工。
** 妹妹和姊妹M的經驗之談，提供了不寶貴意見，來修正RUNDOWN的細節。

尋找WALL STICKER @ ETSY

WALL STICKER 興左好多年，一直好想試，不過有個隱憂，如果痴甩灰水點算呀。

後來見吉之島有隻聲稱痴完撕番出來，灰水都無事。好想試下，不過D款又唔適合。

今日上網周圍CLICK的時候，係見到有個款好靚! 有少少衝動想先斬後奏...嘻嘻。

不過最後都忍住了，心諗未係時候，SETTLE好再搞都未遲。STICKER你等我呀!

尋找床單被袋 @ i Simple

買買買，買完床褥，又要買床單被袋，一田、吉之島唔難發現佢的蹤影，一位隻馬騮頭PAUL FRANK @ i Simple。

個PATTERN好SHARP好靚，連ST都話鍾意，雖然得530針，但是就比同級的滑溜，一摸上手，就想蝸落去訓或者攬實張被。

再望價錢，嘩!整套千二三蚊? 唔係卦? 可能係我大驚小怪，近年床上用品都係出自長老雙手，用料有咁了柔軟得咁柔軟，所以我從來「都唔知米貴」!就算自己掏腰包買的毛毛床單被袋，都只係三四百。

再諗諗!再諗諗! 希望遲D一田減價，會減到佢同埋仲有貨啦。

尋找床褥 @ 實惠

去完MEGABOX的GIORMANI，再殺入旁邊的實惠，目的係床褥部。

之前係旺角新世紀走過一轉，雅蘭、絲連、Dunlopillo、Serta、席夢思...等，試完之後，有一陣迷茫。獨立袋裝、連鎖彈黃、天然乳膠、太空綿、又包邊、又透氣...各家各說，邊樣好?!我無研究，亦無從入手。

而印象最深的就只有席夢思，真的相當舒服，軟得黎又挺得起腰位，加埋它的彈弓枕頭，正!習慣傾訓的我，真正覺得頸位的貼心，臉頰唔會側向一邊膊頭。
不過減左之後價值一萬七千幾...諗左一陣，都係算啦。或者我淨買枕頭。

第二輪，又再去試一次候選床褥，還是未有心水。想起朋友推介實惠的床褥叫喜居樂(花拉CHAN做代言)，又似幾好，感覺跟之前專門店試的差不多，價格相對平少少。

今次MEGABOX的實惠，又多幾個品牌試，訓完又訓，開始有心水啦。最後揀左紅蘋果，一個內地品牌，訓落去感覺有D軟身，但是訓左兩三分鐘後，又開始感覺到會托番起個人。五呎，四千二蚊，價錢可以接受。

因為第一次共用一張床，各自的要求連自己都未必清楚，所以還是「小試牛刀」，將來要換都唔會咁肉痛麻。