吉吉 16M

體重 11kg, 身高 80cm, 出左第十和九隻牙仔(右邊上下的小臼齒)。

識得 :

• 自己會坐在櫈仔上，玩茶几的玩具。
• 拉開裝BB用品和衣服的抽櫃，逐件逐件將所有野拎晒出黎，然後離開案發現場。
• 聽懂一些簡單的指令，例如遞上一件東西，再說「拎俾爸B」吉吉會跟著做。回到家，跟吉吉講「除鞋」，吉吉會撕開鞋仔的魔術貼。
• 打貓貓。是一個Apps，輕按貓貓面，貓貓就好似被人打一樣，打多幾下仲會暈低。

健康 :

• 病左一次，手足口病。先是發燒，第四日開始唔肯飲奶和食野，原來生了幾粒飛滋，牙肉腫起。唔肯的食野的日子，爸B和Mami見到吉吉個肚仔細晒，真是好肉痛。只好聽醫生的建議，食雪糕，豆腐花一類的食物。