五十二週的工作 之 課程三 ~ 做個成功的追數妹

工作上有好多大大小小的PROJECT， 每一個進度或時間表都不一樣，有時少不免會遺漏， 發現的時候就變成問題。所以上司指派我做"追數妹"。

 

對住D叫極都唔交功課的同事，可以迫佢(通知埋佢老細)， 可以鬧佢(大聲D等其他同事都知)，可以煩佢(每日一e貓， 半日一電話)，可以哦佢(講耶穌)，可以同情佢( 同佢一齊地鬧老細痴線，不過~~都要交!!)

但是被追數的對象係你直屬上司的話(即係叫你去收數的生物)， 咁又可以點呢?

通知我上司的上司(報串?!)，大聲鬧上司(博炒?!)， 每個鍾提佢一次(咁米提醒佢我的存在，唔得!!)， 同上司講道理(WORK咖咩?!)，同情佢(唔值囉， 邊個同情我呀?!)

 

迫於無奈，今朝一早好，就好有禮物地提起有樣野等緊佢的回覆， 上司就同我講:「咁做就'對'啦，追我交野就得咖啦!」 ~~~ 真係咀晒咀。心諗:「厚顏無耻，要唔要講句多謝你的讚賞呀!」 @_@"

倒數48星期