尋找吸塵機(上)

收鎖匙之後的第一件想做的事，唔係睇下間屋， 而係搵清潔用具用品。(哈!哈!我諗咁都唔算有潔癖卦。)

本來打算跟ST講搬屋企的吸塵機過新屋用住先，點知佢問我

「記唔記上次見的一部吸塵機?」 (上次係倍朋友去睇SCANNER，順路搞事。睇左咩!? 我唔記得。)
「你想買果部?」
「品牌一樣，不過另一個MODEL。」 (嗯...!睇黎有做功課喎。)
「咁邊度有得睇下。」
「旺角百xx囉!搵日去睇下...」慢不經心地。(我開始覺得. ..)「不過呢，一部成三四千蚊。」(啊...!明啦!明晒!)
「好呀!搵日去睇下。」(無謂咁快打洗沉佢啦，睇下又唔洗錢嫁! !)

其實ST一向都對家品電器有一定的要求， 而且通常都超越左我的要求(一千蚊，吸到塵米得囉。)。 所以我都上網做左少少功課先，睇下介紹和COMMENT先。

DYSON 吸塵機 DC26，又好似幾好喎!!