婚宴翌日

婚宴之後，回家放好物資，再落樓食個消夜，上床已經三點幾。第二朝八點半又爬起身，因為要向老爺奶奶敬茶(雖然好眼訓，不過自己都覺得不能少)。之後如常跟兩長老飲茶之後，又要趕去荃灣美心皇宮拎回門乳豬(因為依吉時計，要十二點前返到我屋企)。好彩大家都住得唔遠。

分左豬仔後，再消滅埋佢，就返新屋拎婚紗、裙褂去還(好彩係同一區，的士黎的士去都唔太肉痛)。檢查好各樣配件齊全，出發前再打去婚紗店CONFIRM有人係度時，
居然無人聽(有無搞錯呀，都唔係第一次?!係呀，又係果間老屈婚紗店!想係元朗區租衫的Bride-to-be要留意啦，間婚紗店係商中隔離呀!)。由二點打到三點，等到訓著左，訓醒四半點再打都無人聽，(想點呀?唔洗還呀?!)

等無可等之下(外邊又落緊雨)，為有拎左裙褂去還先，再順路行過去婚紗店睇下咩事。行到去，老闆居然係度，搞錯呀!!為咩唔聽電話呀?(佢仲反問我們唔打佢手提，擺明你剛剛到啦，仲惡人先告狀!)

無奈地要打的番去再拎落黎。激氣。

終於還好衫，再拎番D豬仔頭和豬仔頭尾返男家食晚飯。

新婚後的第一個生日就是如此度過。HAPPY BIRTHDAY, Mrs LEE!! ^^