WEDDING GIFT - 收到 {葡萄園} 的相薄

 

 

 

 

上回講到，收到最後通牒，還有兩星期造相薄的COUPON就過期。密密揀(相)、密密排(版)，最後都係趕唔切，只好打去葡萄園問下遲D得唔得。聽電話的女仔爽快地答應推遲一個月。安樂晒!



多左時間，即刻又變番HEA住黎做^o^，俾ST覆核之後，終於上星期一去左門市交稿。即場見到相薄的實物，又心多多想由硬皮轉軟皮，由標準A3轉小A3，個SALES妹妹(佢的外貌實際太小了，無理由叫佢做姐姐)都俾我轉，要知道這樣轉價錢是平左。



過左幾日，星期六下午，就收到電話話可以取貨。又真係幾快!!



相薄的印刷同紙質，都唔錯。只是相片印出黎之後，暗左少少，下次要TUNE光少少先得。

Today Special @ 2011-Aug-12

天氣熱最好食日式中華冷麵，在CITYSUPER買左包冷藏的蕎麥麵(連冷麵汁)，煮起再沖凍水，就食得。而配菜就有煎蛋、青瓜、甘筍和蟹柳。

Today Special @ 2011-Aug-11

今日有個新嘗試-糖沁蛋。記得第一次食糖沁蛋是在東京旅行的時候，之後每次見到都會點黎樣美食。香港亦曾有一間做得好好的，不過結業了。
後來見過日資超市有售賣一些外型討好的器皿用來做糖沁蛋，將雞蛋放入器皿，叮一叮就有得食，不過一直沒試，因為近百元的器皿，用途單一，究竟會玩幾多次呢?不合乎經濟原則啊。

其實是日晚餐是巴拉馬火腿沙律配黑醋汁，當諗緊用什麼配料時，突閃過糖沁蛋。跟住就試係網上找食譜，原來有很多人跟我一樣被鮮黃半滴的糖沁吸引住了。

參考過網上三份的食譜，一致認為雞蛋和清水一齊放入煱煮(這樣避免蛋殼烈開時，蛋白未凝固而漏出)，用中至慢火煮，其間不停搞伴(避免蛋黃因地心吸力而偏埋一邊)。
由水滾開始計四至五分鍾(視乎雞蛋是從冰箱取出即煮還是室溫落鑊)，撈起沖水。沖水的同時可以剝殼，切開加灑少少鹽，就食得啦。

做法看似不難，但是真正實行起來的時候，我有一個疑問，怎樣才算水滾?!
慢火加上搞伴，平常煲滾水的情況應該不會出現，如果水真是滾起了，蛋會否已經過熟呢?!所以做的時候，一直很小心地用小火，水像煮不滖一樣，時間亦超出五
分鐘(我已經是用室溫的蛋)，最後只好博一博將蛋撈起剝穀。剝的時候，有些蛋白仍然癡住個穀，剝到有點"岩參"。好彩蛋黃算是半熟，算是成功啦。^o^ (不過有待改進)


網上的食譜還會用上醬油，將煮好的蛋浸一晚(最小4個鍾)，就變成日式拉麵中常用的糖沁蛋。這個有機會要試下。

Monthly Special @ 2011-Aug

上網透過TRAVELZOO買了張六國酒店的中菜廳-粵軒的「雙人南非鮑魚晚膳套餐」的優惠券($468)。

個餐一共有五道菜：
．竹笙雞茸魚翅
．翡翠蚌柳帶子
．蠔皇原隻鮑魚
．美極干燒什菌
．迷你桶仔飯

是晚專誠約埋ST早點收工，撐枱腳。

七點半準時去到酒店的中菜廳門口，帶位小姐即時安排入位，整間酒樓只有半滿。坐低不久，有人黎收左張COUPON，之後就開始上菜。

竹笙雞茸魚翅 - 用料都算足，至少無飲宴咁水，啖啖翅。

翡翠蚌柳帶子 - 中規中矩，只係份量少左D。

蠔皇原隻鮑魚 - 飲湯用的大湯匙SIZE，都算幾入味。

美極干燒什菌 - 這個係最有驚喜，什菌入味又香口，送飯一流。

迷你桶仔飯 - 失望，因為飯唔夠熱，又唔夠香。雖然叫桶仔飯，但是實情是用鐵兜上，外面先再加個木桶仔造「裝飾」。(返到黎先記得無影相)

桂花糕、番薯糖水 - 好彩去到糖水加番少少分，因為我平時唔食番薯糖水(覺得甜椰椰，唔好食)，但是這個夠薑味又唔會太甜，好好味。

至於服務，我俾十分，因為服務生都好有禮貌，而且由你一入門口，招待的每個服務生已經知道你黎食咩(當然啦我訂枱時已經講明)。

可以安安靜靜，慢慢食一餐晚飯，其實都唔錯呀。

搬左新平台啦!!

最近YAHOO BLOGGER中的一個熱門話題是YAHOO BLOG 平台要UPGRADE，無論你願意與否，兩個月後都會「自動」幫你升級。 既然係咁，不如我自己黎，至少有多些時間準備「新屋」。

寫BLOG的新介面，其實好似以前MSN SPACE，所以對我沒有什麼不習慣。(入YAHOO前，其實我係M仔的，貪其可以跟朋友分享我的生活點滴，不過隨住FACEBOOK的出現，大家都一齊轉左會。但是FB終於不是一個「長篇大論」的方地，而且有些心底的想法始終不便披露於「半生不熟」的朋友或是點頭之交的面前。所以舊年決定當新娘的時候，發覺YAHOO有個好好多平台給B2B分享婚禮的資訊和生活，即時迷上了。)

反而新平台有一樣野好想讚，現在可以係蘋果電話上直接打留言，方便多了。有時搭車時睇BLOG想留言，奈何舊平台不支援，返到屋企當然係無左件事，所以有時見BLOGGER話睇POST的人多，留言的少，我想講冤枉呀!! 我以後會好D留言嘅啦，而你都要黎留言支持下喎 ^o^

小禮物

總算老懷安慰....哈哈哈。點解咁感足?!因為今日收到BUSINESS同事的一份小小禮物。

簡單黎講我的工作係技術支援，係風平浪靜的日子，我們通常會被視作閒人，玩FB、上網，無所事事。不過出事的時候，通常都係千夫所指。

話說上星期要協助BUSINESS同事通過用戶測試。事前用戶有一個「簡單」的要求「要有足夠嘅數據黎做測試」，廖廖數字搞左我三日，上司都愛莫能助。

測試當日被7、8位用戶圍住，一人一句「個系統唔得喎」(開始左都唔夠五分鍾就話唔得!?)，根本插唔到咀。細聽問題之後，發現只不過是其中兩位用戶未了解系統運作，其他人就已經幫忙起哄。還幸當日我不是第一矛頭了，不過仍然覺得自己好似走左入猛獸圈內，舉步為艱。

雖然到最後，用戶仍然在雞蛋裡找到很多骨頭，不過大家都認為情況已經超出技術問題，而是政治問題，技術同事只可以無奈地接受。

收到BIG DAY的相

一日收到THOMAS @ MORE PRODUCTION 的電話，話有相拎，太好啦!
有放下心頭大石的感覺，事緣老爺奶奶已經問左兩次「幾時有相睇?」「嘩，七八月先有...(冷笑一下)」，我只好安撫地話打去問下。

好彩他們都好準時，自動交貨，唔洗我追。

總共六張DVD，3 DVDs for SNAPSHOT，另外 3 DVDs for STANDARD PHOTO。還有另一SET CDs 係LOW RESOLUTION和做album的相。咁多相有排睇!!

再等多兩個月就會有相薄睇啦。

WEDDING GIFT - PHOTO ALBUM COUPON {葡萄園}

努力!努力!

最近停左寫HONEYMOON的遊記，除左懶之外，亦因為有另一條死線要過趕。

話說舊年妹妹去乜乜展，買左張整相薄的COUPON俾我做結婚禮物。印相薄公司叫葡萄園，係太子始創中心有鋪頭。收到COUPON的時候，當然雄心強志啦...不過一年轉眼就過去，婚都結左兩個幾月，都未開始搞過。只係諗住做本HONEYMOON的旅行相薄，不過都係得過諗字，無落手做過...直至有日收到妹妹的溫馨提示，仲有二個多星期，COUPON就過期，終於得起心肝揀相。

要係芸芸眾多亂影的相片中揀出「靚人靚景」的相，真係揀到眼都盲。揀完相，開始排版，用公司提供的軟件去做，真係做到人都癲，又慢又唔USER FRIENDLY。

仲有一個星期，我要繼續努力!!

Today's Special @ 2011-Aug-1

WEEKDAYS多數是我負責煮飯，因為ST每晚都要OT，除非有特別事跟老細拎PERMIT準時走外。
是日晚餐，香煎西班牙黑毛豬扒配HOME-MADE牛油薯蓉。

自我評級 - 有待改進。
煎豬扒的火喉和時間尚未準確掌握，不過至少無煎燶呀!! ^o^
至於牛油薯蓉，可能牛油唔夠，比較乾身。