寓言故事

初初有BB的時侯，我向老公講左一個故事，講有個大肚婆做咩都俾奶奶話。

大肚婆孕吐的時候無胃口，奶奶就單打「你唔食，個B都要食咖!」;

開始唔嘔的時候，食多左野，肥左唔少，奶奶就話「你唔係有妊娠糖尿咩，仲食咁多野!」;

咁大肚婆唯有介糖水和甜野啦，點知一家人出街食飯之後叫糖水時，奶奶又發脾氣話「咁煩嫁，食少少姐，有咩所謂呀!!」。

而大肚婆的老公一直都保持沈默，因為佢知道~~邊個開聲死邊個。另一方面只叫大肚婆忍讓一下就算。

慢慢大肚婆去越來越沈鬱，有時還會因為老公一句戲言「啊，你嫌BB煩，而家佢踢你啦!!」而崩潰地喊。

情況直到BB出世，仍然持續....

故事講完，我對ST話「個大肚婆好慘呀，成日喊，佢好似有產抑鬱呀。」
ST：「佢奶奶的說話，都係D講者無心，聽者有意。」
「老公唔幫，仲要講埋一份。」
「嗯...係啦。」
「咁你以後講野要小心D啦。」
「呵呵呵。。。」

17 週 - 男定女?

自公佈喜訊後，俾人問得最多係「男定女呀?」
「未知呀」
「咁你想呢?」(變身娛記，旁敲側擊)
「嗯....」(苦惱中...仔的話，會有三個表哥一齊玩，女的話，得一個應該會得寵D。仔的話，可以慳返置裝費，女的話，就可以買好多靚衫。...)
「仔呢，身邊朋友已經全部生仔，嘩到時真係打大交呀。女好D，大把選擇...」
「是啦是啦...不如開個盆囉...哈哈」

以上對話重覆廿幾三十次之後，終於有答案啦....登登登登....是....仔呀!!

當身邊一眾靚媽型爸知道賽果，反應是
靚媽:「咁我仔米少左個女友朋仔」
靚太:「唉呀，又多個人爭女添啦」
型爸:「夠人啦，可以組隊藍球」

而我家長老笑咪咪地幻想著，將來四個內孫外孫是何其嘈吵。長老還草擬開闢玩具房，讓四位小少爺耍樂。

而我自己仔女唔重要，只要你健健康康就好了。

CUPCAKE

星期日約埋三位靚太去整餅。今次的主題是CUPCAKE(朱古力牛油蛋糕)，而重點是用糖膏造的裝飾。

首先用左廿十分鐘做左六個朱古力牛油紙杯蛋糕。

跟住就是三個鐘的「勞作」時間，運用不同顏色的糖膏搓圓攃扁做出蝴蝶結、Bow Tie、小花、花球、玫瑰的裝飾。

四位阿太玩得不亦樂乎，好似回到讀書時的美勞、家政堂，互相取笑。


整餅後感
(max. 5*)
好玩 : *****
外觀 : *****
味道 : ** (糖膏的甜根本吃不下肚，而且都唔會將「泥膠」放入口啦!!)

SHOPPING LIST

隨住個肚慢慢大，要開始為BB添置用品做準備。
首先上網做下課，又問下靚媽們的意見，收集了BB用品清單，再等年尾減價出擊。


BB 衣物用品                            建議數量
------------------------------------------------------
包巾                                           2 - 3 條   
全棉短身和尚袍                       5 - 6 件   
全棉長身和尚袍                       3 - 4 件   
兩用連身衣                               3 - 4 件   
口水肩                                       6 - 8 條   
外出服                                       3 - 4 套   
帽                                               1 - 2 頂   
腳套 / 襪子                                2 ~ 4 雙   
手套                                           3 ~ 4 雙   
       
BB 哺乳用品                            建議數量
------------------------------------------------------
大奶瓶 (8 安士)                        6 支   
細奶瓶 (4 安士)                        3 支   
奶瓶奶咀                                   6 個   
奶瓶消毒煲                               1 個   
奶瓶奶咀刷                               1 副   
奶瓶夾                                       1 個   
奶粉攜帶盒                               1 個   
溫奶器                                       1 個   
安撫奶咀連鍊                           1 ~ 2 個   
餵奶枕                                       1 個   
奶瓶清潔液                               1 支   
       
BB 母乳用品                             建議數量
------------------------------------------------------
全棉母乳用胸圍                        數個   
即棄乳墊                                    1 盒   
吸奶器                                        1 個   
       
BB 家居用品                                      建議數量
----------------------------------------------------------
睡袋                                                      1 個   
嬰兒床 / 嬰兒床褥                               1 張   
嬰兒圍床 / 棉被                                   1 套   
嬰兒側睡枕                                          1 個   
全棉床罩 / 床單                                   2 件   
床墊                                                      1 個   
床蓆(夏季用)                                       1 個   
蚊帳                                                      1 個   
防濕尿墊(媽咪臨盆前3個月需要)     最少2張   
換片墊                                                  1 張   
床頭音樂鈴連燈                                  1 個   
地墊                                                      1 張   
High Chair                                          1 張   
       
BB 外出用品                             建議數量
----------------------------------------------------------
手推車                                       1 架   
手推車安全夾風扇                   1 個   
手推車安用雨擋                       1 個   
手推車安用蚊帳                       1 個   
手推車安用竹炭席                   1 張   
多功能揹帶                               1 個   
媽媽袋                                       1 ~ 2 個   
       
BB 清潔用品                            建議數量
----------------------------------------------------------
浴盆                                          1 個   
水溫計                                      1 個   
防滑墊                                      1 個   
浴盆用浴網                              1 個   
日本全棉紗布澡布                  6 條   
日本全棉紗布手帕                  6 條   
嬰兒洗髮                                  1 瓶   
嬰兒沐浴乳                              1 瓶
柔濕巾                                      2 ~ 3 罐   
嬰兒爽身粉                              1 罐   
嬰兒潤膚乳                              1 瓶   
70%消毒酒精(清潔臍帶用)   1 瓶   
嬰兒指甲剪/鋤                         1 套   
大浴巾                                      1 ~ 2 條   
小毛巾                                      6 ~ 8 條   
嬰兒用洗衣液 / 粉                   1 瓶     
       
BB 其他用品                            建議數量
----------------------------------------------------------
體溫計                                       1 支   
吸鼻水器                                   1 支   
耳溫槍                                       1 支   
冷熱敷袋                                   1 個   
退熱貼                                       1 盒   
防晒液                                       1 支   
防蚊膏                                       1 支   
嬰兒棉花棒                               1 ~ 2 盒   
凡士林                                       1 盒   
       
其他                                           建議數量
----------------------------------------------------------
即棄沙布       

HONEYMOON @ PARIS - 香榭麗舍大道(Avenue des Champs-Élysées)

由凱旋門申延開去的十二條大道之一，與協和廣場(Place de la Concorde)之間的一條。由頭走到尾大約長2km，說長不長，說短亦不短呀。

第一天以為自己腳力驚人，由凱旋門一邊慢慢踱到協和廣場，一邊看看兩旁的名店、餐廳、博物館。

途中曾經食過LUNCH，外觀大宮殿(Grand Palais)、小宮殿(Petit Palais)，走到協和廣場時已經腳仔軟，旁邊的Jardin des Tuileries都沒有意慾走進去了。
所以之後就算只是一兩個巴士站，我們還是等巴士好了。

以我的體力黎講，雖然巴黎景點集中，但並不是"用腳去游走"的城市。巴士是個很好代步工具。

HONEYMOON @ PARIS - 凱旋門 (Arc de Triomphe)

整個旅程前前後後黎過凱旋門三次。

第一次 - 到此一遊。來到巴黎的第一天朝早，放下行李後，就搭地鐵過來(Metro 1 - Charles de Gaulle Etolle站)，一上地面就會見到凱旋門。很多遊客在這路口取景影下凱旋門。(如果搭觀光巴士的話，亦十分方便，下車站就在凱旋門前面)

要到凱旋門下方，就要穿過隧道。

第二次 - 參觀凱旋門頂部。後來發現可以用MUSEUM PASS入內參觀，所以再來一次而且選擇了日落時份。不過想俯瞰從凱旋門放射開去的十二林蔭大道，道先要挑戰二百幾級縲旋型樓梯。闊度大約一個身位，所以都KEEP住行，驚阻住後邊的人。

首先到達展覽層，除了展覽凱旋門模型、介紹它的歷史，還有洗手間，SOFA和GIFT SHOP。

回過氣之後，再上一層就是「天台」啦。

之後又要爬番落去。


第三次 - 順路夜遊。話說有一晚，想趕在酒店附近的超市關門前，補充食水，可是當日超市提早了半小時關門。詢問酒店職員，最近的24小時超市應該在凱旋門附近，於是「踢住拖」就過去。雖然已經是十一點幾，不過很多遊人似乎都意猶未盡，我們都襯下熱鬧，影下相。

如果星期日的香港皇像廣場給菲律賓人攻佔了，那巴黎的凱旋門應該給世界各地的遊客7x24地攻佔了!

迎接新生命

從第一天知道小生命到來，我就開始有十萬個問號...究竟我要做D咩?

其實身邊不乏準媽媽或是新進靚媽，但是當自己未有的時候，又真的很少舉世無遺地問她們的陀B之路，所以除左喜悅之外，只想搵人問下「跟住點呀?」。

靚媽教路: 首先要估計BB已經幾週大黎決定幾時去找私家醫生証實，因為六週之後照超聲除左看見一小點外，還可以聽到BB的心跳。當聽見嘆碌、嘆碌的時候，又真係實在好多。
而以我數學的邏輯，直覺地認為日子應該由卵子遇上精子的一日計起啦!

點知錯晒，計算方法應該由上一次來經的第一日計起。即是已經六週，即刻"啦啦淋"約醫生。

另一個即時要考慮的問題是政府定私家醫院生，費用由一百幾十至幾萬不等如果順順利利無病無痛的話，分別在於SERVICE，
這幾次的檢查，已經親身見識政府和私家的天淵之別。不過就如身為姑娘的靚媽吐的苦水「生仔就緊係痛咖啦，咁你痛的時候姑娘又可以做咩喎，唔通足住你隻手安慰你咩?!米繼續做自己野囉。」所以都係自己衡量下經濟能力和EQ啦。


至於TOUNCHWOOD，萬一有事的時候，政府定私家都一樣可以出事。自求多福。

見完醫生，証實有左之後，拎住張醫生紙，就可以通知公司和去政府醫院登記。

到政府醫院登記的時候，除了爸爸和媽媽的身份証、醫生紙外，還要出示住址證明(上面有爸爸或者媽媽個名都得)，醫管局有介紹每間醫院服務的地區。
現在CHECK得嚴左，要去番報稱地址果區的醫院先可以登記。登記完成，職員就會話你知，第一次產檢和做OSCAR的日子和時間。

順利地踏出第一步，(手)羅到床位生仔。

P.S. 雖然我無經歷爭床位的情況，不過都有個小見聞。話說第一次去私家超聲波，我仲見牆上貼住尚有明年四月的床位(當時是第六週，我的預產期正正是明年四月尾)。
一個月多一星期後再返去檢查的時候，牆上已換成明年五月床位已滿，六月少量。嘩，增長率唔係正比咖!

三人世界

當婚禮、搬屋、蜜月、各樣事情都逐一安頓後，每日的schedule由密密麻麻變到每晚可以坐在家看處境劇，生活重回平靜的規律。放假又可以睡個午覺或者窩在sofa煲碟。放工後可以拍住拖參加興趣班。SWEET SWEET！還䦕始有閒情計劃下冬天去滑雪定出走南半球。

不過好境不常，新婚的兩個幾月後，䦕始意識到第三者的出現。。。佢令到ST和我要重新計劃我們的生活 -

唔準打波做劇烈運動(因為怕趺親)，唔準去由迪迪尼HALLOWEEN(因為怕人多被人撞親)，唔準食雪糕(因為怕肚痛)，唔準抱起歲幾的姨生(因為怕被佢踢親)，唔準坐長途機(因為最好唔好啦)。 唔準...唔準...唔準...!

要唔要搬屋?要唔要放棄書房改變「土地」用途?要唔要請姐姐?要唔要...要唔要...要唔要...?

連第三者是男是女都未知，就已經有十萬個問號係頭度...唉...真係呀!!

BB，從現在開始我和ST將會是你一生一世的「奴隸一號」和「奴隸二號」! ^^"