三人世界

當婚禮、搬屋、蜜月、各樣事情都逐一安頓後，每日的schedule由密密麻麻變到每晚可以坐在家看處境劇，生活重回平靜的規律。放假又可以睡個午覺或者窩在sofa煲碟。放工後可以拍住拖參加興趣班。SWEET SWEET！還䦕始有閒情計劃下冬天去滑雪定出走南半球。

不過好境不常，新婚的兩個幾月後，䦕始意識到第三者的出現。。。佢令到ST和我要重新計劃我們的生活 -

唔準打波做劇烈運動(因為怕趺親)，唔準去由迪迪尼HALLOWEEN(因為怕人多被人撞親)，唔準食雪糕(因為怕肚痛)，唔準抱起歲幾的姨生(因為怕被佢踢親)，唔準坐長途機(因為最好唔好啦)。 唔準...唔準...唔準...!

要唔要搬屋?要唔要放棄書房改變「土地」用途?要唔要請姐姐?要唔要...要唔要...要唔要...?

連第三者是男是女都未知，就已經有十萬個問號係頭度...唉...真係呀!!

BB，從現在開始我和ST將會是你一生一世的「奴隸一號」和「奴隸二號」! ^^"