寓言故事

初初有BB的時侯，我向老公講左一個故事，講有個大肚婆做咩都俾奶奶話。

大肚婆孕吐的時候無胃口，奶奶就單打「你唔食，個B都要食咖!」;

開始唔嘔的時候，食多左野，肥左唔少，奶奶就話「你唔係有妊娠糖尿咩，仲食咁多野!」;

咁大肚婆唯有介糖水和甜野啦，點知一家人出街食飯之後叫糖水時，奶奶又發脾氣話「咁煩嫁，食少少姐，有咩所謂呀!!」。

而大肚婆的老公一直都保持沈默，因為佢知道~~邊個開聲死邊個。另一方面只叫大肚婆忍讓一下就算。

慢慢大肚婆去越來越沈鬱，有時還會因為老公一句戲言「啊，你嫌BB煩，而家佢踢你啦!!」而崩潰地喊。

情況直到BB出世，仍然持續....

故事講完，我對ST話「個大肚婆好慘呀，成日喊，佢好似有產抑鬱呀。」
ST：「佢奶奶的說話，都係D講者無心，聽者有意。」
「老公唔幫，仲要講埋一份。」
「嗯...係啦。」
「咁你以後講野要小心D啦。」
「呵呵呵。。。」