40週1日 - 從這天開始

二O一二年四月二十一日(星期六)

朝早七點，反身去洗手間,發覺見紅了(BB終於想見我們啦), 不過量不多.覺得應該未係時候,所以番上床瞓, 但係又點會瞓到呢!! 轉下轉下又走左入洗手間，確定下。ST見我起身，佢都唔再瞓。跟住兩個人不停討論入唔入院好。理論上應該盡快入院，不過又聽到太多案例，係醫院等十幾個鐘都未生得，加上上次炸胡，都係睇定D先，係屋企等點都舒服過係醫院。如常食早餐。

七點半，開始有少少M痛(仲未知黎d叫陣痛)。再CHECK一次入院用品。

八點三，開始痛密左，痛多左。即刻開左兩杯濃的蜜糖水飲，聽講話有幫生產，唔洗痛咁耐喎。

八點九，決定CALL車入院，因為開始有規律地痛。

九點，執好野落樓，痛的時候好似黎M咁，面容開始扭曲。

九點四，仲未見架車咖!!好痛呀!! (原來司機去左隔離座等。頂，唔係麻。&$^(@#$%) 上左車，每痛一次就叫ST報時，陣痛的密度係5分鐘。ST開始WHAT’S APP 我細佬妹和班朋友，真係好忙!! 而我細佬妹第一件事係估我要痛幾耐先生得，無人性咖!! >.<

十點，在廣華急症室登記處登記上待產房。似曾相識的程序，因為幾個星期前才PRE-SITE過，所以好SMOOTH，唯一不同的是，今次真係痛到無精神周圍八卦。

十點半，陸續有醫生護士做檢查和紀錄。我開始’甸’床，但是不停被姑娘”喝止”。

十一點三，子宮已經開左4、5度，未穿水，要醫生穿水，陣痛加劇。

十一點半，終於有姑娘問「一到十，你而家有幾痛?」我即時諗，十級即係幾痛呀?!「4至5卦!」姑娘再望一望我「不如6啦，拎氣俾你聞。」心諗你講事啦「都好呀……(好痛呀)….」跟住陣痛的節奏，聞住氣，唔係完全唔痛，不過都舒緩左少少。又有姑娘黎確定下老公倍產嗎?係邊度?，我仲賴腦定「已經係外邊」。

十一點十，有姑娘經過，望下我之後話「你好似痛過頭好多喎，有無咁快呀。」O左咀。 @_@ 都係打俾ST叫佢唔好行開。

十二點，好似有野想呵出黎，即刻叫姑娘。姑娘檢查後，已經開左9度。要準備入產房。

十二點四，被推左入產房，無幾耐ST都入左黎。姑娘開始叫我用力。。。經過30分鐘的努力，BB係一點零八分出世，重8.8磅。ST和我都驚訝BB咁大隻，三星期前還估計六磅幾七磅。ANYWAY，砰完重，姑娘將粉團一樣的BB靜靜地伏在我心口，用我的體溫幫BB保暖，感動到想喊呀!!
之後轉入產後房，就要跟BB分開一陣，要去檢查和沖身。(P.S. 我一直好期待第一張全家福，不過ST緊張到，忘記帶機相入產房。緊張的爸爸。)

下午四點幾，再見到BB。從此之後，我就多左個責任，要好好照顧BB，正式成為見習媽媽，一齊由喂奶、換片學起。。。