Today's Special @ 2011-Jul-31

難得星期日晚飯無「應酬」，ST下廚煮左芝士汁意粉(張支票已經開左好耐，終於對現^o^)。味道OK，只係牛油太多。意粉份量又太多食唔晒，ST話唔記得左意粉煮好之後會發脹，真係O左咀。

Today's special @ 2011-Jul-28

 

靚師奶急call，晚上有個後補位置上蛋糕班，於是放工就落左旺角花壚上堂。CAKE SHOP係花壚的尾段其中一座唐樓，WORKSHOP的地方都幾大，9個人(其他都是靚師奶的同事)上堂加一位導師三位助手，都好鬆動。大家柴娃娃地玩左一晚(仲有d百厭的同學仔搞氣氛)，都幾開心。

可能太多人加上有百厭同學，導師為左控制時間，有好多步驟都預先為我們代勞，而且有些細緻的技巧都唔會講得好清楚，好似要點睇先知打CREAM已經打夠，而變成導師幫你睇，話你知打夠未。所以作為工餘聯誼活動是不錯的選擇，之於學習指數就要睇自己的悟性啦!! ^o^

試下新平台

Testing .... TESTING.....

你知唔知今日你要做SUPPORT!

舊年年尾忍痛，賠錢提早結束52週合約之後。轉到新的工作環境，風平浪靜，日復日，慢慢亦適應下來。不過好景不常，辦公室總會出現一些好事之徒。

旁邊正正坐左一個「大聲公」，事無大小必定唱到街知巷聞，佢仲有REPLAY功能，閒閒定一件事可以講足兩個星期，可憐坐係旁邊的人(即係我 >.<)承受的疲勞轟炸。
慢慢我開始對他的言論充耳不聞，用沈默來回應。不過可能這無聲的'抗議'，嚴重有損大聲公的尊嚴，現在明顯地他會對我一個人「收聲」。不過唔等如我有寧靜的日子過，他繼續坐係位度與其他人高談闊論。雖然如此，表面上仍然相安無事。

昨日下午，大聲公突然叫我，問「你知唔知今日你要做SUPPORT!」。
對突如其來的一問，心真係驚一驚「吓?」(心諗聽日先係我呀，唔係睇錯更表卦!?)
大聲公極度不滿地「唉....」(洗唔洗咁呀?!)
我把火燒開始撻著，不過搵更表緊要...
大聲公又叫「今日唔係星期三嗎?」
按奈住不滿答「今日係星期二。」
「噢...原來今日係星期二。...唔係你喎...唔好意思吓!」(!@#$@#%&)...

星期二正是他自己當值的日子。而我就無'姑姑'受左佢的個「唉...」真係好激氣呀!!

HONEYMOON @ PARIS - 巴黎的第一個印象

隨著人潮踏出EUROSTAR車箱之後，一如以往，每到一個新的地方時，我和ST都會默契地放慢腳步，等人潮散去後，在月台影相，因為這刻新鮮感和興奮，以後很難再有，就算離開的時再到同一個月台，感覺已經不一樣，所以一定要好好記下這一刻，其是這個陽光明媚的早上。

 

無閘無檢查，就正式進入巴黎。

除此之外，巴黎第一個印象就是收費廁所。在火車月台落一層，是地鐵站入口大堂，旁邊有個男女廁，門前還設有櫃台，坐著一個板著臉的大嬸在不停數錢，一看而知是要收費的，而且看來是「財源廣進」。因為沒有零錢，只好遞上一張€20，大嬸也不問就找回一堆大銀，再示意我到另一邊的傷健廁所，雖然有點疑惑，不過都乖乖地「掃」走一堆大銀就跟著走去。完事後，回合ST才慢慢數一數那堆銀仔，發現大嬸收了€2而不是寫著的€0.8。難怪讓我用個不用等的廁格。不過有點受騙的感覺，激氣!!

HONEYMOON LONDON &amp; PARIS TRIP - DAY 6

LONDON - PARIS {HOTEL : Pavillon St Augustin @ Area 8}
9 JUN 2011 天晴清涼

網上找到￡69來回倫敦/巴黎的EUROSTAR(歐洲之星)，待價是未訓醒就要出發。亦因為出發前三個星期先訂飛，好的日子都沒有了，最後留在巴黎的時間比原來的多。

 

{倫敦的清晨}

順利地入閘過關，五點就已經安坐侯車大堂。雖然好想飲杯熱朱古力，不過望見CAFE內長長的人龍，我還是坐著不動，盡量保持半睡的狀態。

反而ST走左去 INFO COUNTER八下，而我繼續留守原地睇住D行李(驚佢地有腳會走左去...)，回來的時候就已經買好PARIS MUSEUM PASS 2 DAY
和 PARIS VISITE PASS 5 DAY (ZONE 1-3)。

上左車，繼續我未完的夢，訓下醒下，0850就到左PARIS NORD STATION (北站)啦。由於倫敦和巴黎有一個小時的時差，所以實際車程大約兩個半鐘。

之後就搭地鐵(Métro de Paris)[MAP]到SAINT-AUGUSTIN站，上左地面行3分鐘屈番去後面街就到左酒店，之後會連續留宿五晚。寄存好行李後之就展開旅程的中段 - 巴黎六日之旅。

HONEYMOON LONDON &amp; PARIS TRIP - DAY 5

OXFORD - WINDSOR - LONDON {HOTEL: Melville Hotel @ St. Pancras}
8 JUN 2011 陽光有陣雨

訓左十個鐘之後，成個人精神晒。屋主為我們準備了早餐，唔夠仲可以加麵包果汁。

WINDSOR
N年前看過朋友到LEGOLAND玩的相，我就已經暗暗定下去LONDON玩的話，就要去LEGOLAND，當時我尚未知道係邊，離LONDON有幾遠(我以為好似去科學館咁上遠)。而ST對LEGO有種情意結，行百貨公司或者商場，總要到LOGO部巡一巡。

所以經過早餐時間的商討，我們決定先去LEGOLAND，睇情況再去WINDSOR CASTLE(不過心裡有數要放棄WINDSOR CASTLE)。雖然兩個景點好近，但是連日的經驗所得，就算走馬看花，都未必夠時間行上一圈。而且LEGOLAND的門票唔平(￡41)。

到左LEGOLAND，沿車路駛入去見到LEGO砌的WELCOME，心情開始興奮。不過亦開始覺得唔對路，點解周圍好似海洋公園咁空曠，我心目中的LEGOLAND是室內，好似科學館咁。(如果你已經知發生咩事又想取笑我的話..OK..OK我承認我無認真查過LOGOLAND係咩地方。)再睇下園內的地圖，出事啦!!好似去左海洋公園的兒童王國，各種的機動遊戲，明顯地只適合十二或以下的小朋友。我們喱D大牛龜，再厚顏無耻，都好難跟小朋友爭野玩。好彩我們的目標景點MINILAND都無令我們失望。英國、法國、瑞士、挪威、連美國太空總署都去埋。影下相，行下，食下野，睇埋4D電影和今年才開幕的ATLANTIS SUBMARINE VOYAGE的海底歷險，都已經二點。

{園內周圍都有用LEGO砌成的模型，都好靚。}

是次旅程的揸車部份接近尾聲啦。最後一程由LEGOLAND去ST PANCRAS附近還車。進入倫敦市的範圍，開始窒車，用龜速前進(3公里的路，用了半個小時)。還好趕及六點前先到旅館放下行李再還車。

今晚揀了一間在ST PANCRAS火車站附近的旅館，因為第朝天未光就要搭歐洲之星，向巴黎出發。

{是日晚餐，FISH & CHIPS，還有KEBAB。}

P.S.出黎玩，講個信字
- 可能買了全保的關係，職員連車都無望過(因為OFFICE前無地方停車，所以泊左係附近先走入OFFICE)，就叫我們直接將車駛入旁邊酒店的停車場。只要泊好車後，將入場飛仔交還就可以了。如果我無真係還車的話，又或者架車抄到得番個殼，咁會點呢?!
- 通常CHECK-OUT要到前台交底鎖匙，但是第朝四點半就要走，唔通要摷醒個職員。問個職員咁早CHECK-OUT要點做，佢話放底條匙係房，唔好鎖門就走得啦。嘩...唔知我搬埋部電視走，佢點追究我呢!?

HONEYMOON LONDON &amp; PARIS TRIP - DAY 4

COSTWOLD - WOODSTOCK - OXFORD {HOTEL: Pembroke Guest House}

7 JUN 2011 雨 - 天晴

WOODSTOCK
食完早餐，八點開車離開COTSWOLD，朝OXFORD方向走。朝早我們選了中間一個的景點BLENHEIM PALACE(布萊尼姆宮)參觀(初時睇名以為係皇宮，參觀完先知其中一個賣點是SIR WINSTON CHURCHILL的出生地)。沿住外圍高高的圍牆搵入口，最後駛左去一個疑似後門的地方，得一個更停。正想調頭之際，見前面有人落車似去問路，就跟住落車去八下，原來都可駛入去。入左圍牆內，第一個印象是「嘩!地方咁大嘅」，由圍牆入口直路行去門口我諗都要行10-15分鍾，真係大得離譜。

 

整個景點分開大宅內部和兩個花園部份，首先我們在大宅的右冀(STATE ROOMS)跟隨講解員參觀。有人講解真係唔同D，講下喱幅畫的由來，跟隔離房果幅的聯繫、那件擺設的歷史，轉眼就睇左45分鐘。

外面剛好停雨，就到花園走走。搵左個好位置，差不多是獨霸一個大花園的情況下，優閒地KO份自備午餐，真是爽!

 之後我們開始在花園散步，花園有三條散步徑，我們選了其中一條THE LAKE AND CASCADES會經過玫瑰園和湖邊的(根據介紹走一圈要45分鐘)。這個時候天氣開始放晴，周圍環境真係好舒服。

 

因為朝早的導賞實在太正，所以由花園再走入大宅，想參觀餘下的左冀(THE UNTOLD STORY)。左冀的展覽風格很不同，加入了大量機械、現代科技、模擬場景，去展現大宅經歷的不同年代的人民生活。而我的個人感覺係悶和焗，因為全部場景自動化的關係，水流作業，二三十人迫係一間細房，有時我根本什麼也看不見(只怪我生得矮 >.< )。最後沒有看完，就搵機會徹退。

下午三點，還有另一邊的花園部份(THE PLEASURE GARDENS)未參觀，但是已經是時候離開。離OXFORD還有30分鐘車程。

OXFORD
點對點之間，利用GPS搵路，其實相當方便。反而去到目的地的時候，搵入口、停車位就要花上一點功夫。到了OXFORD市中心，人多，燈位多，踩單車的人仲多，要慢無目的搵停車場，真的有點手忙腳亂。如果事前大略知道邊條街有停車場，用停車場黎定位會比用景點好(景點前根本無地方停車)，尤其在OXFOARD這類小市鎮上。

在OXFOARD我們收起旅遊書，隨心遊蕩，見到有趣的建築物街景就將它拍下，但是賴理它的名堂與歷史。不過比起死物，我覺得踩住單車的人更有趣味。無論穿著西裝套裙或短褲便服，他/她們都好似飛馳中的車手，有型有款。

六點幾又下起雨來，就躲到BUGER KING食晚餐。食完雨就停了，不過街上的人明顯少了，鋪頭都陸續關門。只好去超市打個轉，補給食物生果，就打道回(旅)館。

今晚選了間離市中心的10分鐘車程的民宿。我們住在閣樓(三樓)有獨立廁所。屋主人很NICE，放好行李後就帶我們參觀廚房、飯廳和花園，簡直係DREAM HOUSE呀!廚房可以隨意用，如果有一班朋友圍埋食野就超正呢。

 

 

玩左四日，我終於支持唔住，是夜未夠十點就上床訓啦!

P.S.架車實在大了點，又或者OXFORD的停車位小了點，ST先刷花了左邊車門，換個仁停車位之後又刷花了右邊，...好彩我們買左全保炸。

HONEYMOON LONDON &amp; PARIS TRIP - DAY 3

COTSWOLD - WARWICK - COTSWOLD {HOTEL: Cotswold Water Park Four Pillars Hotel}
6 JUN 2011 天陰有雨 - 陽光

是日早餐FULL ENGLISH BREAKFAST。

 

BOURTON-ON-THE-WATER (布頓水上)
COTSWOLD係地圖上沒有出現的名字，聽到喱句已經莫名的興奮，而它最出名的係花園，又稱「秘密花園」，我曾經親身到訪(嘩...係唔係好型呢^o^)。其實COTSWOLD是一個地區的統稱，當中散布了不同小鎮，其中一個是BOURTON-ON-THE-WATER。如果以娛樂性、可觀性計的話，其實小鎮的生活相當平淡，淡得似開水(最多加片青檸)。

 

不過對於我反而相當真實，整個小鎮都保留了古老的石屋，一條小河貫穿小鎮，大街沿河而建，兩旁一間間樸實的商店旅館，一家大小在草地上野餐嬉戲、河邊餵鴨，那風光不禁讓我看著ST問「不如我們一起在此終老?!」(哈哈...諗下好啦!!)

 

小鎮上我們參觀了COTSWOLD MOTOR MUSEUM，館內展示了很多老爺車如BMW、JAGUAR，雖然對我而言都不過係車，幸好每架汽車都有些「溫馨提示」，指出這型號跟現在的汽車的不同之處，令到我這門外漢，睇完都可以扮下「專家」。
而展品之多，可以話係堆到周圍都係，小至火水罐火柴盒都有。我自己最喜歡的係七八十年代的旅行車，內裡設備和佈置真係美輪美奐，好想擁有一架。

 

鎮上的另一個景點MODEL VILLAGE，用水泥、石等材料造了小鎮的模型。個展場一眼睇晒，其實有D流，不過既來之則安之，都俾左錢又無得回水，於是兩個阿Q認真地研究起模型跟實際的地理。研究結果是模型標示的地方係堅嘅，而且發覺我們先前搵位泊車和搵路的同時，已經去晒主要的大街。

{Model Village in The Model Village}

 

外面的天氣對於我來說仍是有點涼，所以找了家食店坐下來慢慢享受午餐。

午餐之後，又到鎮上的超市打個轉，睇見冷凍櫃的沙律和麵包架上大麥包，我開始懷念公司周圍的茶餐廳，一碟有飯有肉再加D咩汁都一樣味的午飯，至少有飽肚暖胃的作用。空手而回，繼續上路。

SUDELEY CASTLE
選擇這個古堡，是因為酒店的旅遊小冊子的相片。去到之後，發覺並不如想像，破落的古堡餘下外牆，花園雖然打理得井然有序，不過相比其他有名的，就給比下去。凡事有得失必有得，就因為地處偏遠，車一直在英國鄉郊的小路上行駛，經過的丘陵景色，又別有一番英國風味。

 

{One of the suburbanites' garden}

 

{View of country road}

因為這個失色的花園，ST提議走遠一點，北上WARWICK。我當然無異議啦!!

WARWICK
參觀WARWICK CASTLE是臨時加插的景點，到達時眼見其他人都陸續離開，我和ST就更加快步伐。售票員再三提醒關場時間(只剩下三十分鍾)，我們接過門票後就箭步衝入古堡。不過錯有錯著，LATE TICKET只是￡10(堡內一些特別設施，還要再付入場費。另外上網買飛會有DISCOUNT的)，遊客亦較少(室內大部份時間只有我們兩個人)，我們想點影相都得。

 

可能這個古堡已給杜莎集團買下，所以經營方式比較商業化，我覺得有點像集古村(當然大D，真D啦)，周圍都有穿著古代服飾的員工招待，又有攤位表現射箭之類，室內還有不少臘像，可以想像下午時份它是個相當熱鬧的遊樂場。我們只夠時間參觀其中SECRETS & SCANDALS OF THE ROYAL WEEDEND PARTY室內部份，就到室外影古堡。留到最後，我們總算是參觀完畢，滿足地離開。

從WARWICK CASTLE揸車，幾分鐘就到左市中心，下午6:30大部份鋪頭已經關門，只剩下M&S、兩間PUB、一間牛扒屋，真係"搵食"艱難。最後選了露天的PUB坐下晚餐。

日落西山，係時候返歸啦。

HONEYMOON LONDON &amp; PARIS TRIP - DAY 2

READING - STONE HENAGE - BATH - COTSWOLD {HOTEL: Cotswold Water Park Four Pillars Hotel}
5 JUN 2011 天晴有雨

八點幾九點起身，慢慢梳洗後，就出去搵早餐食，(可能星期日的關係)周圍的食店居然未開。唯有返回酒店對面的火車站搵食啦!

食完早餐，走出火車站，去到附近景點睇下，全部無開。最後去到一個旅遊書都有介紹的公園(其實跟香港的市鎮公園差不多)，環顧一周，嗯...環境唔錯，可以走啦。

再返去火車站內的MARKS & SPENCER (M&S)買麵包沙律做午餐，就離開READING。

STONEHENGE (史前巨石群)
揸左大約一個小時多D，就到左STONEHENGE，落車的時候開始下起毛毛雨，換上風褸帶埋頸巾，就...衝呀。常言道早起的雀仔有野食，我地黎D遲遲都唔出動的人當然睇唔到夏天時太陽從Heel Stone升起啦(如何當時氣溫廿度以下，都應該未到夏天啦)。係異常廣闊(空曠)的平原上，圍住大石行左個大運，我的手腳已經開始冰冷，離開前走入紀念品店運吉，順便取暖。英國的六月下雨天還真冷。

大石群附近除了停車場、洗手間、買熱狗的小食檔口，真可以話係咩都無。外邊落雨，還是窩在車上食午餐比較暖。

 

離開的路上，給我們遇上了路邊買士多啤梨的流動檔口。後來發現在超市買會抵D。

 

BATH (巴斯)
由於去BATH的路上塞車，原本一個小時的車程，個半小時才到。所以改變行程先去Number One Royal Crescent(第一皇家新月樓)參觀。當日應該有個比賽舉行，可惜遲來了一點點，要不是可以湊熱鬧。又可恨我們早來了一點點，要不是道路解封了，車就可以直接駛過去，不用停在老遠的山坡上。

看見這座由18世紀的建築師約翰．伍德修建的喬治王朝式樣排屋，就想起20世紀的香港各大地產商起的屏風樓，未知香港建築師是否在此取經!!現在只有第一間屋變成博物館(即右手邊第一間)，它保留左以前的家居佈置。當日每間房都有一位講解員(都是詳和的老太太)，她們會樂意解答參觀人仕對「房間」的問題，細至到書枱的用具，都可以給你講解用法，令到靜態的參觀多了點互動和趣味。據老太太講以前這裡的屋都是短租給人渡假用的。

 

之後趕過去ROMAN BATH(羅馬古浴池)，幾分鐘車程就到，可惜已經關館，無緣參觀這座18世紀上流階級的療養地。反而旁邊的BATH ABBEY(巴斯寺院)尚可以入內參觀。

參觀完畢，就繞到教堂後面的River Avon影相。

六點幾，天色灰暗有雨，開始餓了，周圍的店舖、食店都陸續關門。周圍亂踱之際，還是向火車站走，找到食店的機會大些。最後找到KFC(從來未試過見到炸雞如此興奮，終於有熱野食啦!!)。

食飽飽之後，就向北走，進入一個期待以久的地域COTSWOLD。

是晚酒店在湖邊，是一個渡假中心。有SAP、水上活動、多條沿湖邊的單車徑。如果一班人來一定好好玩!而間房大之餘，仲有露台。正!

P.S. 後來才知道，酒店UPGRADE左我們間房，因為上網訂房時係REMARKS度寫左我們來HONEYMOON的，問佢地有無咩PACKAGE/PROMOATION可以做俾我們。(起初仲以為間房奉旨有露台添，呵!呵!)

另外雖然話錯過了的景點，就可以有藉口再重遊。但是仲有咁多地方未去，重遊實在言之上早。所以餘下的旅程，還是要返工咁早起身，去換取悠閒的早餐和多些的參觀時間。