HONEYMOON LONDON & PARIS TRIP - DAY1

HONG KONG - LONDON - READING {HOTEL: Malmaison}
4 JUN 2011 天晴

飛機準時於09:45起飛，經過十小時，16:00安全降落於倫敦希斯路機場(Heathrow Airport)。
在入境大堂遇上長長的人龍，已經心知不妙，等候時間會以小時計，又留意到入境職員不慌不忙地"按章工作"，已經開始掛念香港的工作效率。(...我知道，要適應下人地的節奏呀麻!)
18:00拎埋行李，就去搵租車的COUNTER。為了慳番出入LONDON時間，所以落機之後不入LONDON，反而選擇了直接揸車，離HEATHROW一個小時的車程的READING做中轉站，預計有足夠時間在入黑前到達酒店(差不多十點才天黑)。
機場大堂的租車櫃台無人，但是就有指示去等免費的SHUTTLE載過去租車中心，各租車公司的SHUTTLE是SHARE同一個車站，跟租車公司名上車就得啦。幾分鐘車程，就到左租車中心啦。

雖然我們在網上BOOK左車，不過可能職員先生見到ST的身型時候，提議我們換架大少少的車，當我們猶豫不決的時候，職員先生提議帶我們去車場睇下架車先決定。上車試坐後，ST都覺得大架好D。搞埋手續，職員先生再帶我們去車場取車，簡單介紹下架車的操作又示範個GPS點用，確定我們無問題，我們就正式出發啦。ST開始的時候很緊張呢，因為已經有好幾年無揸車，(事後才知)佢亦無外國揸車的經驗(上左賊車添)，而我...哈哈...係無牌人士，所以都愛莫能助，只可以安靜地坐著，幫忙睇路。

離開租車中心，跟住GPS的指示上公路，因為未熟識它的提示，所以當意識到提示話要靠右轉上公路時，我們已經沿左線駛走了。幸好當我們不知所措時，GPS又顯示了新的路徑，提示下個路口可以U-TURN。有驚無險上左M路，睇住旁邊的車風馳電騁，ST都不自覺地開到時速80哩(差不多等如香港的120-130公哩)，所以不用一小時，我們就到達READING啦。

順利地找到酒店，再按著酒店職員提供的簡單地圖找停公眾停車場，在附近兜左三四個大圈仍然找不到停車場，連想停低架車的地方都無(真係唔知點算)。仲試過入錯線，駛左入對頭車的單向路上，好彩條路唔長，車唔多又有三條線(仲無俾警察見到)，如果唔係真係唔知點算。搞左十幾分鐘，終於搵地方停，再唔覺意見到停車場的「秘密」入口。其實停車場就係酒店對面(如果係行過去的話...@.@)。

拖埋行李去CHECK-IN，先知我BOOK的是PROMOTION PACKAGE，房間要連餐飲，£25房租，£75在酒店餐廳消費，即係埋單最少要£100。(仲以為咁平，£25就有靚靚酒店房。)不過總括黎講，都無蝕低。

晚餐的地方和食物，其實唔錯，不過九點幾十點(即係香港零晨三四點)，實在無精力去欣賞，連甜品都無心機食，就返房訓啦。真係可惜，食埋甜品就可以用盡£75。

P.S. 對於我們，酒店唯一不足是無免費上網。反而對面的火車站和後面街的市政廳可以勾到線上網。