31週 - SHOPPING WEEK

 

除了上年年尾一田減價時，買左HIGH CHAIR之外，一直都無買其他野俾BB。終於上個WEEKEND出動大手入貸。

星期六朝早去到護協，買左一大埋消耗品

產婦專用衛生巾 (Kotex 10片)    $25.0
奶瓶夾 (Pigeon)            $34.0
奶瓶清潔液 (Pigeon)        $64.0
床蓆 (minimoto)            $118.0
浴盆 (獅子仔)            $103.0
全棉紗布手帕 (soft Touch 5條)    $25.0
全棉紗布手帕 (Richell 12條)    $73.0
濕紙巾 (johnson 80 片裝)     $14.5
濕紙巾 (johnson 20 片裝)     $5.5
嬰兒用洗衣粉             $76.0
尿片 (Huggies NB 20days)     $29.5
尿片 (Huggies NB)         $47.0
棉花 (soft touch 150片)        $25.0
棉花球 (johnson 60粒)        $8.0



原來10:30開門，已經有幾位爸爸媽媽等緊，半個鐘唔到就已經多左好多人。

幸好有靚媽同去，俾左好多用家意見我，好快就執齊晒(逐樣逐樣研究，都搞左個半鐘)。本來想訂埋MINIMOTO的40"白色床仔，不過居然無貸，連訂都無得訂。吓...今次又腦定左添!!

大致上大部份物品，尤其消耗品類，護協都比較平。只有一些如床上用品、床仔或者HIGH CHAIR，一田減價後會平幾蚊至一百不等。

回家安頓好後，稍事休息，傍晚就向千色進發。主要補充一些剩底要買的東西，而床仔係主要項目。
想要的白色床仔無貸，最快五月先返貸，木色只餘十幾張，SALES話要買就襯手啦，三月仲會加價至$1799添。我和ST開始苦惱啦，無折之餘仲要唔係想要的顏色。點算?!

最後都係睇多兩日先，反而見到毛巾、衫仔做緊減價入左D貸，全棉床單都幾軟熟，又入左一張。睇下睇下都執左6百幾蚊野，好彩有匯豐CASH DOLLARS，慳番三百，即刻覺得低番晒...哈哈

跟住的星期日，我和ST都唔敢再拖，去完吉之島，再去永安，為左搵張床仔俾BB。最後係永安搵到我地想要的白色(一千零一張)，仲有折添(折實$1529，最平見過$1348)，好過無啦。再買埋0/3 BABY 床上用品12件SET裝($789)，一次過送貨。搞掂晒，BB有覺好訓啦!! ^^

剛剛遇著永安做緊抽獎和儲印花，總共拎左$100 COUPON。COUPON再加多$49，又可以換一個電子磅喎(上次減價見三、四百蚊時，都諗過要買)。而家手上仲有一埋印花可以加錢換大毛巾添，俾BB當被仔用都好。搞左一輪，究竟係低左呀，定係賺完我錢俾返D甜頭我呢?! 黎條數學題實在太深，唔識計!! ^^"

30週 - 薑醋工程三

刮好薑，灘開將薑的表面風乾一二日(如果未開始煲的話，就要先收入雪櫃，煲之前一晚先再灘開吹一吹)，就可以開始煲。今次我請左阿妹的奶奶來擔當顧問，有顧問在場整個過程相當順利。

首先將薑切開二邊，再拍鬆(唔係拍散)。

跟住在鑊面用廚房紙抺少少油，就可以開始烘乾，直至薑乾身為止。要分辨乾未，只要抄一抄D薑，聽下仲有無(燒乾水的)聲就得啦。
另一邊爐用小火開始煮醋(唔好滾起)，薑烘乾後就直接放入醋度。留意醋的份量，要蓋過薑。

最後烘乾所有薑後，就可以大火煮醋啦。滾起之後再煮十五分鐘，熄火，打開蓋就得左(開蓋係唔想有倒汗水)!

之後每星期再拎出黎，(如有需要)加入新的甜醋直至蓋過D薑，用中火滾起(因為煲大，要滾起都差不多一個鍾)，滾起之後一兩分鐘就可以熄火。如是者，四五次之後，如果天氣乾爽的話，可以隔二十日先再煲。

30週 - 育嬰堂一

星期五晚參加左美素嘉兒的育嬰實習班。一入房見到一班BB已經READY好，ST相當興奮，將BB搓圓㩒扁，真係失禮人呀...

課堂由註冊護士主講，介紹餵母乳要注意的事項、BB飲母乳或者奶粉的便便分別，跟住就是幫BB沖涼和用包被的實習。兩個鐘的課堂，話咁快就完。

雖然知道課堂的理論和實戰係兩回事，最少玩具BB唔會咸，而且現實一定混亂十倍。不過課堂的理論令我和ST意識到，我們要準備幫BB沖涼的地方，我一直諗住BB跟我一樣係浴室沖涼就可以，哈哈...另外除左沖涼的地方，一個「工作枱」都好重要，要黎換片清潔著衫的空間。

開始入倒數日子，唔可再懶懶閒，要準備的野還有很多。

30週 - 有得食好食啦

自從有BB之後，有很多「好野」都無我份，海鮮呀、18個月風乾火腿呀、芝士呀。。。我已經無介牛肉、雪糕、生冷野之類，不過都唔敢放肆，每次都只係一啖起兩啖止，盡量避，所以跟ST出街食好野的意慾大大減低。

踏入30週，開始要清胎毒，以我的演繹即係咩都食得!! 好，就去食D好野慶祝下先。所以約ST去盛八食飯(好似以前拍拖時候咁呀，係要約嫁，難得大家唔洗OT)，嘩...真係好好味，久違了A4霜降牛、A5牛肩肉、燒蠔、燒帶子，真係好正呀。

當滿足完口福之樂之後，突然感慨地對ST講「有得食好啦，BB出左世之後，好難話出街食飯就出街，一放工就要番屋企做奴隸獸。」尤其記起幾日前跟兩歲的甥生飲茶的情況，優雅地外出用膳，根本係唔可能嘅事，除非留底甥生仔係屋企。而ST居然話「留佢係爺爺屋企過夜，咁我地米可以偷偷地出黎囉。好彩我地都可以放低BB唧。」哈哈...無錯BB，係BB你未出世之前，你的爸爸媽媽已經密謀，到你一歲的時候留底你係香港，自己去旅行。仲有已經達成共識未到小學之前，爸爸媽媽係唔會帶BB你坐飛機嫁。哈哈...(希望到時我真係咁狠心啦)

30週 - 薑醋工程二

上回講到，兩家長老都對薑醋之事茫無頭緒，所以就自己動手好了。不過工作的關係，進度緩慢。當女長老知道後，又爭著要落手做(她一直都沒有過問的)，
又說邊個和邊個都話遲啦!! (唉...真係唔知的俾佢激死，ANYWAY，喱隻貓貓我食...)

女長老的特點是一係唔做，要做的話又真係好快手，帥領男長老用左兩日就幫我買左廿斤薑，再刮好皮。現在正待風乾...

29週 - 薑醋工程一

一直以來，我以為煲薑醋係長輩理所當然要做的事。因為由細到大，自己爸爸媽咪都係事無大小都照顧周到，而老爺奶奶對ST的照顧，足以令到大爺飯來張口。
不過兩位媽媽其實對廚房之事，實在有心無力，舉晒手投降。既然如此，就等我黎位新進媽咪出手啦 .... 最多都係唔好食 ... 食唔死人嘅... 呵呵呵呵。

在網上找到一份詳盡的食譜

*************************************************材料(十人份量)：五斤去皮生薑
          十斤(4.8公升)甜醋
      一斤黑糯米醋
      兩隻豬腳 (亦可選較多肉的豬手)，斬開約八至十件
      熟去殼雞蛋十隻

做法：產前一個月，預先將甜醋及生薑放入瓦煲內大火煮兩小時，每隔一星期煲滾一次，每次半個小時以上。天氣熱，要煲密些，以免細箘及霉滋生，派送前二至三日，把豬手/腳放入滾水中飛水去油及沖洗乾淨，把豬手豬腳放入已預備好的薑醋中煮滾，以慢火煲豬手豬腳至腍熟，加入八珍黑糯米醋稀釋及增加鮮味，下雞蛋再煲十分鐘，即可趁熱享用。

薑的處理：將薑去皮洗淨，吹1天後拍鬆，一般用菜刀拍1或2次有裂紋就得，用鑊加幾粒鹽炒，再放少少油爆，不斷反覆炒，以免烘焦，轉金黃便可，用意抽乾水份。
煲滾醋之後放下已處理好的薑, 第一次要煲耐D, 兩個鍾左右啦,用文火。

豬手：豬手預先斬件後出水，再用清水洗乾淨，撈出風乾大半日 (全部落煲既野都要先風乾，才不會溝淡d醋)，放入鐵鑊加適量生油爆香與薑一齊放入瓦煲內，放入甜醋浸過生薑和豬手，開火煲至醋滾，便可原煲離火。(豬手浸得太耐會溶，就算撈起，都散收收唔好睇)。

蛋的處理 :硬蛋 - 最少跟薑煲兩三次，愈浸蛋愈硬;普通醋蛋，吃前一日放。
*************************************************

跟著食譜，再去請教人地奶奶，如醋和薑的份量最後改為20斤和15斤，而黑糯米醋主要用作調較味道；薑要用老泥薑，揀細舊的比大舊好；將薑去皮是用鐵匙更刮的；煲得越耐，薑的辛辣味越少，所以提早開工。

好理論堂完成。

第一次行動，去街市買薑，小試牛刀，買左兩斤半。回家後，發覺清理泥濘都需要花一番功夫，開始問點解唔買無泥果D。
跟住我和ST好似工廠工人，一人一個盆和一支鐵匙更，刮刮刮，左刮刮右刮刮，又無想象中咁難喎，一場球賽的時間就完成。雖然唔難做，不過都頗費時，手有D攰。

總算踏出第一步，不過大家都心諗，還有五晚工夫呀!! 我開始問點解唔買現成嘅?!

29週 - 第二次飲糖水抽血

據了解在廣華不是每名孕婦都需要「飲糖水」驗妊娠糖尿的，只有高齡或孕婦的雙親其中一位有患糖尿少會被安排檢查。一般27週之前會做一次，就算合格27週之後，可能要進行第二次。如果27週之後先做第一次，幸運地只雖要飲一次糖水就可以了。

今天比返工還要早就爬起床，為了八點鍾到廣華報到飲糖水。睡眼惺忪之際，很怕自己不以為意，亂放野入口，因為朝早出門前都會飲啖水/奶先出門，尤其當眼見ST將夾有火腿的麵包放入口，我就連水都無得飲 ~~~ 唉，好想抗議，不過實在無力，因為前一晚十二點開始就已經要禁水禁食。如果被護士姐姐之知道「偷食」的話，會被即時踼走，要再約時間做過。咁做唔係護士惡，而係會影響測試結果。所以還是乖乖望住ST大口大口吞噬佢的早點。今次又有大意的媽媽，忘記要禁食，而要擇日重賽啦。

首先走進一間可容納廿幾位媽媽的大房，拎個號碼坐埋一邊等叫。姑娘順序叫號碼，就先抽兩支血。抽好血就可以去拎杯預先開好的糖水，第一次傻下傻下揀左杯有多好糖沉底的，今次慢慢揀杯溶得好D嘅。跟住坐埋一邊，就自己慢慢飲啦。杯裡應該加左少許檸檬，不過都唔係一杯好飲「檸檬水」，甜到有D涸喉。慢慢飲，大約十分鐘就飲完。飲完再記底飲完時間。

當姑娘處理完第一輪的抽血，就要各位媽媽報告飲完糖水的時間，再一次過講解之後的流程和要注意的事項，之後就可以「自由活動」。兩個小時候之後，順序番去抽多兩支血就可以離開啦。要注意的是，等待中如果嘔過的話，要立即通知姑娘，因為如果到最後，先報告又係要重賽的。有位媽媽就係因為嘔過少少，飲左啖水，姑娘都好無奈地宣佈今次要作費，多冤枉。姑娘仲話「一係就唔好講我知，如果我知的話就要再做過。」雖然好似好衰，不過都啱咖，姑娘又點可以孭得起份抽血結果。可能那媽媽早D通知姑娘，姑娘會知甫補救呢!!

因為今次ST無陪我黎，所以我選擇左訓覺打發時間。太攰的關係，一陣就訓著左。留底在房內的媽媽，都靜靜地睇雜誌或者電視，所以我訓得相當舒服。好彩還有兩位媽媽跟我一樣呼呼入睡，令我無咁奇怪。

訓醒已經十點鍾，十點八抽完血，就可以離開啦。兩日內就有報告，如果有妊娠糖尿，就會有電話再作通知，無電話即係無事。

29週 - 薑醋工程一

一直以來，我以為煲薑醋係長輩理所當然要做的事。因為由細到大，自己爸爸媽咪都係事無大小都照顧周到，而老爺奶奶對ST的照顧，足以令到大爺飯來張口。
不過兩位媽媽其實對廚房之事，實在有心無力，舉晒手投降。既然如此，就等我黎位新進媽咪出手啦 .... 最多都係唔好食 ... 食唔死人嘅... 呵呵呵呵。

在網上找到一份詳盡的食譜

*************************************************
材料(十人份量)：五斤去皮生薑
          十斤(4.8公升)甜醋
      一斤黑糯米醋
      兩隻豬腳 (亦可選較多肉的豬手)，斬開約八至十件
      熟去殼雞蛋十隻

做法：產前一個月，預先將甜醋及生薑放入瓦煲內大火煮兩小時，每隔一星期煲滾一次，每次半個小時以上。天氣熱，要煲密些，以免細箘及霉滋生，派送前二至三日，把豬手/腳放入滾水中飛水去油及沖洗乾淨，把豬手豬腳放入已預備好的薑醋中煮滾，以慢火煲豬手豬腳至腍熟，加入八珍黑糯米醋稀釋及增加鮮味，下雞蛋再煲十分鐘，即可趁熱享用。

薑的處理：將薑去皮洗淨，吹1天後拍鬆，一般用菜刀拍1或2次有裂紋就得，用鑊加幾粒鹽炒，再放少少油爆，不斷反覆炒，以免烘焦，轉金黃便可，用意抽乾水份。
煲滾醋之後放下已處理好的薑, 第一次要煲耐D, 兩個鍾左右啦,用文火。

豬手：豬手預先斬件後出水，再用清水洗乾淨，撈出風乾大半日 (全部落煲既野都要先風乾，才不會溝淡d醋)，放入鐵鑊加適量生油爆香與薑一齊放入瓦煲內，放入甜醋浸過生薑和豬手，開火煲至醋滾，便可原煲離火。(豬手浸得太耐會溶，就算撈起，都散收收唔好睇)。

蛋的處理 :硬蛋 - 最少跟薑煲兩三次，愈浸蛋愈硬;普通醋蛋，吃前一日放。 
*************************************************

跟著食譜，再去請教人地奶奶，如醋和薑的份量最後改為20斤和15斤，而黑糯米醋主要用作調較味道；薑要用老泥薑，揀細舊的比大舊好；將薑去皮是用鐵匙更刮的；煲得越耐，薑的辛辣味越少，所以提早開工。

好理論堂完成。

第一次行動，去街市買薑，小試牛刀，買左兩斤半。回家後，發覺清理泥濘都需要花一番功夫，開始問點解唔買無泥果D。
跟住我和ST好似工廠工人，一人一個盆和一支鐵匙更，刮刮刮，左刮刮右刮刮，又無想象中咁難喎，一場球賽的時間就完成。雖然唔難做，不過都頗費時，手有D攰。

總算踏出第一步，不過大家都心諗，還有五晚工夫呀!! 我開始問點解唔買現成嘅?!