39週 – 產假的第二天

BB仍然未有任何CHECK OUT的動靜。

為了保持規律的生活，朝早跟著ST返工的時間上身，又做了簡單的早餐俾ST。跟住上下網，執下屋。而身邊的「監測機制」紛紛開動，除了要跟ST報告行蹤外，兩家女長老都各自請纓上黎倍我，心裡當然明白大家的一番好意，不過有其他人係度的時候，我又點可以灘係SOFA話訓就訓，又或者灘開晒D野，再慢慢執，所以婉拒了大家。不過為了表明我的心領亦令各人安心，唯有走多幾場，多露面。跟我家長老住得近，所以就午飯回家吃好了，而奶奶方面，就跟ST多些回去吃晚餐好了。

下午的節目是剪髮，修剪一下有層次惑D，俾個好印象BB o麻。TEA一TEAT之後，又係運動時間 – 行街。^^

P.S. 阿媽聽見我要一個人去尖咀剪髮，當然擔心啦。先後提議，

1.  陪我去  
     (唔好啦，即係剪完髮就要返歸?!因為她的生活節奏係五六點就要回家，九點仲係街就已 經好夜!!)

2. 唔可以係附近剪嗎? 
       (最好唔好啦，有咩閃失，唔開心幾日，就無謂啦)

3. 修下姐，不如我幫你修啦 
    (絕對唔好，其他人剪我都仲有權唔開心，你剪就….諗都唔好諗)